Author: નોબત સમાચાર
પૂર્વ પીએમ મનમોહન સિંઘનો પાર્થિવ દેહ પંચમહાભૂતમાં વિલિન
અશ્રુભીની અંતિમ યાત્રા પછી રાષ્ટ્રપતિ, ઉપરાષ્ટ્રપતિ, વડાપ્રધાન, વિપક્ષના નેતા તથા વિવિધ ક્ષેત્રોના દિગ્ગજોની ઉપસ્થિતિમાં અંતિમ સંસ્કાર
નવી દિલ્હી તા. ર૮: અશ્રુભીની અંતિમયાત્રા પછી ડો. મનમોહનસિંહનો પાર્થિવ દેહ પંચમહાભૂતમાં વિલિન થયો છે. આજે સવારે ડો. મનમોહન સિંઘનો પાર્થીવ દેહ કોંગ્રેસ કાર્યાલય લવાયો હતો, અને દિગ્ગજો દ્વારા શ્રદ્ધાસુમન અર્પણ કરાયા હતાં. કોંગ્રેસ વડામથકે આમ જનતા પણ મોટી સંખ્યામાં ઉમટી હતી. અંતિમ યાત્રામાં 'મનમોહન અમર રહો'ના નારા લાગ્યા હતાં તથા નિગમબોધ પર અંતિમ સંસ્કાર રાષ્ટ્રીય સન્માન સાથે કરાયા હતાં.
આજે સવારે ડો. મનમોહન સિંઘનો પાર્થિવ દેહ કોંગ્રેસ કાર્યાલય લેવાયોાા હતો અને તે પછી આજે તેમના અંતિમ સંસ્કાર દિલ્હીના નિગમ બોધ ઘાટ પર રાજકીય સન્માન સાથે કરવામાં આવ્યા હતાં. મનમોહન સિંઘનો પાર્થિવ દેહ પંચમહભૂતમાં વિલિન થયો હતો. અનેક દિગ્ગજોએ શ્રદ્ધાસુમન અર્પણ કરીને અશ્રુભીની આંખે તેમને અંતિમ વિદાય આપી હતી.
તે પહેલા સવારથી જ કોંગ્રેસના આગેવાનો અને કાર્યકરોનું આગમન શરૂ થઈ ગયું હતું. કોંગ્રેસના મુખ્યાલયે લોકો મોટી સંખ્યામાં ઉમટી પડ્યા હતાં. અંતિમ યાત્રા શરૂ થતા જ 'મનમોહન અમર રહો'ના નારા લાગ્યા હતાં. તેમના અંતિમ સંસ્કાર દિલ્હીના નિગમબોધ ઘાટમાં રાજકીય સમ્માન સાથે કરવામાં આવ્યા હતાં.
સંરક્ષણ મંત્રાલયે ડો. સિંઘના અંતિમ સંસ્કાર માટે સંપૂર્ણ સૈન્ય સન્માનની વ્યવસ્થા કરવાનો નિર્ણય છીધો હતો. આ અવસરે રાષ્ટ્રપતિ દ્રૌપદી મુર્મુ, ઉપાધ્યક્ષ જગદીપ ધનખર, વડાપ્રધાન નરેન્દ્ર મોદી, કોંગ્રેસ સંસદીય દળના વડા સોનિયા ગાંધી, કોંગ્રેસ અધ્યક્ષ મલ્લિકાર્જુન ખડગે, લોકસભામાં વિપક્ષના નેતા રાહુલ ગાંધી સહિત દેશ-વિદેશની અનેક અગ્રણી હસ્તીઓ હાજર રહી હતી.
ડો. મનમોહન સિંઘની લગભગ પ૩ વર્ષની લાંબી રાજકીય કારકિર્દી હતી, પરંતુ તેમણે ક્યારેય વિવાદોમાં પ્રવેશ કર્યો ન હતો. ન તો તેમના સિદ્ધાંતો સાથે સમાધાન કર્યું હતું. તેણે પોતાની ઓળખ એક શાંત, સરળ, સૌમ્ય અને નિર્વિવાદ વ્યક્તિત્વ તરીકે આપી હતી. તેઓ પોતાના મૂળને ક્યારેય ભૂલી શક્યા નથી અને તેમની અંતિમ ક્ષણો સુધી સામાન્ય માણસ રહ્યા હતાં.
આજે બપોરે જ્યારે તેઓને અંતિમ વિદાય અપાઈ રહી હતી, ત્યારે માહોલ શોકમય બની ગયો હતો. અંતિમ વીદાય સમયે દેશની ત્રણેય સેનાઓએ સદ્ગતને સલામી અર્પી હતી, અને તેઓને વાદળી પાઘડી પહેરાવાઈ હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
