Author: નોબત સમાચાર
કસૂરવારો સામે કડક કદમ ઉઠાવી કોન્ટ્રાકટરને બ્લેકલિસ્ટ કરવા પાલિકા સભ્યોએ કરી રજૂઆત
ખંભાળિયા પાલિકાના સભ્ય પરના હુમલા સામે સભ્યો એકજૂથ
ખંભાળિયા તા. ૨૮: તાજેતરમાં ખંભાળિયા પાલિકાના વોર્ડ-પના સદસ્ય સોની વેપારી આગેવાન તથા પૂર્વ પાલિકા શાસક જુથના નેતા દિલીપભાઈ ઘઘડા ખંભાળિયામાં રામ મંદિર પાસે તેમના વિસ્તારમાં ચાલતા કામની મુલાકાતે જતાં તેમના પર હુમલો તથા મારકુટ થઈ હતી. આ સંદર્ભમાં ખંભાળિયા પાલિકાના સદસ્યોની બેઠક જિલ્લા ભાજપ મહામંત્રી રસીકભાઈ નકુમ તથા ખંભાળિયા પાલિકા પ્રભારી નમીશાબેન નકુમની ઉપસ્થિતિમાં યોજાઈ હતી. જેમાં પાલિકાના સદસ્યો ઉપસ્થિત રહ્યા હતાં.
આ બેઠકમાં દિલીપભાઈ ઘઘડા દ્વારા જો નગરપાલિકાના સદસ્યો તેમના વોર્ડમાં ચાલતા વિકાસ કાર્યોની મુલાકાત લેવા જાય તો હુમલો કોન્ટ્રાકટર કે તેમના માણસો દ્વારા થતો હોય શું કરવું ? જો ૨૮માંથી ૨૬ સભ્યો આવી રીતે જાય તો ?
આ રજૂઆતના સંદર્ભમાં ભાજપ મહામંત્રી દ્વારા કોન્ટકટરોને બ્લેકલીસ્ટ કરવા તથા તેમની ડિપોઝીટ કાપી લેવાની કડક કાર્યવાહી કરવાની ભલામણ કરવા કહેવાયું હતું. જેને બધા સદસ્યોએ સહમતી આ૫ી હતી. સભ્યોને તેમના વિસ્તારોમાં ચાલતા વિકાસ કાર્યો અંગે મુલાકાત લઈ ગુણવત્તાની તપાસ કરવાનો અધિકાર છે તેમ પણ જણાવાયું હતું. આ બનાવે ખંભાળિયામાં ભારે ચર્ચા જગાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
