Author: નોબત સમાચાર
ચાઈનીઝ તુક્કલ, સ્કાય લેન્ટર્ન અને ચાઈનીઝ દોરાના વેચાણ-ઉપયોગ ઉપર પ્રતિબંધ
અધિક જિલ્લા મેજીસ્ટ્રેટશ્રી દ્વારા જાહેરનામું:
ખંભાળિયા તા. ૨૮: આગામી તા. ૧૪-૦૧-૨૦૨૫ના મકરસંક્રાંતિનો તહેવાર ઉજવવામાં આવશે. આ તહેવાર દરમ્યાન જિલ્લામાં લોકો દ્વારા બહોળા પ્રમાણમાં પતંગો ઉડાવવામાં આવતા હોય છે. આવા પતંગો ઉડાવવા માટે પ્લાસ્ટિક, સિંથેટીક મટીરીયલ, ટોક્ષીક મટીરીયલ, લોખંડ પાવડર, કાચ વગેરેથી તૈયાર કરેલા પાકા દોરા જેમાં ખાસ કરીને ચાઈનીઝ બનાવટના દોરાનો ઉપયોગ થાય છે, આવા દોરાના કારણે માણસો, પક્ષીઓ, પશુઓ ગંભીર રીતે ઘાયલ થતાં હોવાના અને મૃત્યુ થતાં હોવાના બનાવો બનવા પામતા હોય છે. આથી આવા દોરાઓથી માણસો અને પશુ-પક્ષીઓને થતી વિપરીત અસર નિવારી શકાય તે માટે યોગ્ય નિયંત્રણ મૂકતું જાહેરનામું અધિક જિલ્લા મેજિસ્ટ્રેટ દ્વારા બહાર પાડવામાં આવ્યું છે.
અધિક જિલ્લા મેજિસ્ટ્રેટ, દેવભૂમિ દ્વારકાને મળેલ અધિકારની રૂએ સમગ્ર દેવભૂમિ દ્વારકા જિલ્લામાં તા.૨૭-૧૨-૨૦૨૪થી તા.૩૧-૦૧-૨૦૨૫ સુધી પતંગો ઉડાવવા માટે ચાઇનીઝ માંઝા/પ્લાસ્ટિક દોરી, નાયલોન/સિંથેટીક મટીરીયલ, ટોક્ષીક મટીરીયલ, લોખંડ પાવડર, કાચ, મેટાલીક બેઝડ થ્રેડ્સ અને ઓડીયો મેગ્નેટીક ટેપ વિગેરેથી તૈયાર કરેલા પાકા દોરા જેમાં ખાસ કરીને ચાઈનીઝ બનાવટના ચાઈનીઝ તુકકલ, સ્કાય લેન્ટર્ન અને ચાઈનીઝ દોરાના વેચાણ તથા ઉપયોગ કરવા ઉપર પ્રતિબંધ લગાવ્યો છે. આ જાહેરનામાનો ભંગ કરનાર સજાને પાત્ર ઠરશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
