Author: નોબત સમાચાર
જીઆઈડીસી ફેસ-ર પાસે સર્જાયેલા અકસ્માતની પોલીસમાં કરાઈ ફરિયાદ
અકસ્માતમાં એક મહિલાનું થયું છે મૃત્યુઃ
જામનગર તા.ર૮ : જામનગરના લાલપુર બાયપાસથી ખંભાળિયા બાયપાસ વચ્ચે ગઈકાલે બપોરે સર્જાયેલા હિટ એન્ડ રનના બનાવની પોલીસમાં ફરિયાદ કરવામાં આવી છે. આ અકસ્માતમાં ઠેબા બાયપાસ પાસે સરદાર પાર્કમાં રહેતા એક મહિલાનું મૃત્યુ નિપજ્યું છે અને તેમના પતિ સહિત બેને ઈજા થઈ છે.
જામનગરના ઠેબા બાયપાસ પાસે આવેલા સરદાર પાર્ક-૪માં રહેતા કાંતિભાઈ ખીમજીભાઈ રાઠોડ નામના યુવાન ગઈકાલે પોતાના પત્ની ચંપાબેન (ઉ.વ.૪૨)ની સાથે બપોરે જીજે-૧૦-ડીએલ ૩૬૪૩ નંબરના બાઈકમાં લાલપુર બાયપાસથી ખંભાળિયા બાયપાસ તરફ જતા હતા.
તેઓ જ્યારે ફેસ-રથી આગળ પહોંચ્યા ત્યારે પાછળથી પુરપાટ ઝડપે ધસી આવેલા અજાણ્યા ટેન્કરે તેઓને ઠોકર મારી દીધી હતી. આ અકસ્માતમાં બાઈક પરથી ફંગોળાયેલા ચંપાબેનના માથા પરથી તે ટેન્કરનું ટાયર ફરી વળતા આ મહિલાનું ઘટના સ્થળે જ મૃત્યુ નિપજ્યું હતું. જ્યારે કાંતિભાઈ તથા અન્ય યુવાનને ઈજા થઈ હતી.
અકસ્માત સર્જી ટેન્કર સ્થળ પરથી નાસી ગયું હતું. બનાવની જાણ થતાં પોલીસ તથા ૧૦૮ દોડી આવ્યા હતા. કાંતિભાઈ સહિતના બંને ઈજા ગ્રસ્તને સારવારમાં ખસેડવામાં આવ્યા છે. જ્યાંથી કાંતિભાઈ રાઠોડે પંચકોશી-બી ડિવિઝન પોલીસ સ્ટેશનમાં ટેન્કરના ચાલક સામે ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
