પરશુરામ જયંતી શોભાયાત્રામાં ભાગ લેનાર બાળકોનું કરાયું સન્માન

Author: નોબત સમાચાર

પરશુરામ જયંતી શોભાયાત્રામાં ભાગ લેનાર બાળકોનું કરાયું સન્માન

મહિલા કોર્પોરેટર અને ઠાકર પરિવાર દ્વારા ઈનામ અપાયા

જામનગર તા. ૧૭: સૌરાષ્ટ્ર કચ્છ સમસ્ત બ્રહ્મ સમાજ જામનગર દ્વારા ભગવાન પરશુરામના જન્મોત્સવ પ્રસંગે વિશાળ શોભાયાત્રા જામનગર શહેરના મુખ્ય માર્ગો પરથી પસાર થઈ હતી, આ શોભાયાત્રામાં ભાગ લેનાર બાળકોને પરંપરાગત મુજબ ૧૫ વર્ષથી સી.વી. ઠાકર બુકસેલર્સ અને કોર્પોરેટર ડિમ્પલ રાવલ દ્વારા પુરસ્કાર અર્પણ કરવામાં આવે છે આ વર્ષે પણ ભગવાન પરશુરામની શોભાયાત્રામાં ધાર્મિક વેશભૂષા સાથે ભાગ લેનાર ૨૦૦થી પણ વધુ બાળકોને કોર્પોરેટર ડિમ્પલ રાવલ અને સી. વી. ઠાકર બુક સેલર્સ પરિવાર દ્વારા આશ્વાસન ઇનામો આપવામાં આવ્યા હતા.

સૌરાષ્ટ્ર કચ્છ સમસ્ત બ્રહ્મ સમાજ જામનગર જિલ્લા પ્રમુખ પ્રફુલભાઈ વાસુ, શોભાયાત્રાના કન્વીનર નિલેશભાઈ ઓઝા, સહ કન્વીનર ચિરાગભાઈ અસવાર, ચિરાગભાઈ પંડ્યા ટ્રસ્ટી નરેન્દ્રભાઈ ત્રિવેદી, શહેર પ્રમુખ આશિષભાઈ જોશી, મહામંત્રી હિરેનભાઈ કનૈયા, જિલ્લા મહામંત્રી ભાસ્કરભાઈ જોશી, મહિલા પાંખના જિલ્લા પ્રમુખ મનિષાબેન સુંબડ, મહામંત્રી મીનાબેન જ્યોતિષી, શહેર પ્રમુખ જાગૃતીબેન ત્રિવેદી, મહામંત્રી વૈશાલીબેન જોશી તેમજ કારોબારી સભ્ય નયનભાઈ વ્યાસ, વલ્લભભાઈ જોશી, કો ટ્રસ્ટી સુનિલભાઈ ખેતિયા, યુવા શહેર પ્રમુખ જસ્મીનભાઇ ધોળકિયા સહિતના ઉપસ્થિત રહી વેશભૂષામાં ભાગ લેનાર સમાજના બાળકોને પ્રોત્સાહિત કર્યા હતા, સૌરાષ્ટ્ર કચ્છ સમસ્ત બ્રહ્મ સમાજ દ્વારા પ્રતિવર્ષ અખાત્રીજના ભગવાન પરશુરામના જન્મોત્સવ પ્રસંગે શહેરમાં વિશાળ શોભાયાત્રા યોજવામાં આવે છે, જેમાં સમાજના બાળકો અલગ અલગ દેવી દેવતાઓના પાત્રો વેશભૂષામાં પ્રદર્શિત કરે છે, જેઓને કોર્પોરેટર ડિમ્પલબેન રાવલ અને બુક સેલર સી.વી. ઠાકર પરિવાર દ્વારા સન્માનિત કરવામાં આવે છે.

જો આપને આ પોસ્ટ ગમી હોય તો શેર કરો...