Author: નોબત સમાચાર
સોશિયલ મીડિયા પ્લેટફોર્મ બાળકો માટે કેટલા સુરક્ષિત?: યુરોપિયન સંઘે આદરી ઊંડી તપાસ
ટિકટોક પછી હવે ફેસબૂક-ઈન્ટ્રાગ્રામ-એક્સ અને અલી એક્સ્પ્રેસ જેવા
નવી દિલ્હી તા. ૧૭: ર૭ દેશોવાળા યુરોપિય સંઘે બાળકોની ઓનલાઈન સુરક્ષામાં નિષ્ફળતા રહેવા અંગે મોટી કાર્યવાહી હાથ ધરીને ફેસબુક-ઈન્સ્ટાગ્રામ એક્સ, અલી એક્સ્પ્રેસ જેવા સોશ્યલ મીડિયા પ્લેટફોર્મ સામે ઊંડી તપાસ આદરી છે.
માત્ર ભારતીયો જ નહીં, પરંતુ સમગ્ર વિશ્વમાં માતા-પિતા બાળકોની સોશિયલ મીડિયા પ્લેટફોર્મ પર રહેવાની આદત અને તેના વિકાસ પર તેની પ્રતિકૂળ અસરથી ચિંતિત છે. ર૭-રાષ્ટ્રોના યુરોપિયન યુનિયને મેટા સામે નવી તપાસ શરૃ કરી છે, જે સોશિયલ મીડિયા પ્લેટફોર્મ ફેસબુક અને ઈન્સ્ટાગ્રામનું સંચાલન કરે છે. બાળકોનું ઓનલાઈન રક્ષણ કરવામાં નિષ્ફળ રહેવા બદલ યુરોપિયન કમિશને આની જાહેરાત કરી હતી. યુરોપિયન કમિશને કહ્યું કે ફેસબુક અને ઈન્સ્ટાગ્રામ એલ્ગોરિધમનો ઉપયોગ કરી રહ્યા છે જે બાળકોની બિનઅનુભવીતા અને નબળાઈનો લાભ લઈ શકે છે અને તેમને વ્યસનયુક્ત વર્તનમાં જોડાવા માટે પ્રોત્સાહિત કરી શકે છે.
યુરોપિયન કમિશન તેની તપાસ પૂર્ણ કરવા માટે કોઈ સમયમર્યાદા નથી. જો તપાસમાં મેટા દોષી ઠરશે તો નિયમો અનુસાર કંપનીની વાર્ષિક વિશ્વભરની આવકના છ ટકા સુધીનો દંડ થઈ શકે છે. યુરોપમાં ફક્ત ૧૩ વર્ષથી વધુ ઉંમરના બાળકોને જ સોશિયલ મીડિયાનો ઉપયોગ કરવાની મંજુરી છે. યુરોપિયન કમિશનને શંકા છે કે મેટા ડિજિટલ સર્વિસ એક્ટનું સંપૂર્ણ પાલન કરી રહ્યું નથી. બાળ સુરક્ષા પર વધુ ધ્યાન કેન્દ્રિત કરીને ડીએસએ હેઠળ નવી તપાસ શરૃ કરવામાં આવી છે. આ વર્ષની શરૃઆતમાં બાળકોની સુરક્ષાની ચિંતાઓને કારણે ટીકટોક પર પણ તપાસ શરૃ કરવામાં આવી હતી.
કમિશને કહ્યું કે તે ચિંતિત છે કે બાળકો જ્યારે સોશિયલ મીડિયા પ્લેટફોર્મની સિસ્ટમનો ઉપયોગ કરે છે ત્યારે તેમના પર કહેવાતી 'રેબિટ હોલ' અસર થાય છે જે તેમને ખલેલ પહોંચાડતી સામગ્રી તરફ દોરી જાય છે. તેથી આયોગ તપાસ કરશે કે બાળકોને ફેસબુક અથવા ઈન્સ્ટાગ્રામ એક્સેસ કરવાથી અથવા અયોગ્ય સામગ્રી બતાવવાથી રોકવા માટે વય ચકાસણી સાધનોનો યોગ્ય રીતે ઉપયોગ કરવામાં આવી રહ્યો છે કે કેમ?
કમિશન એ પણ તપાસ કરશે કે શું સોશિયલ મીડિયા કંપની સગીરો માટે ઉચ્ચ સ્તરની ગોપનીયતા અને સુરક્ષા પ્રદાન કરવા માટે રચાયેલ ડીએસએ નિયમોનું પાલન કરી રહી છે કે નહીં? એક્સ અને ઈકોમર્સ સાઈટ અલી એક્સપ્રેસની પણ તપાસ કરવામાં આવી રહી હોવાનું પણ બહાર આવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
