પ્રથમ વાર્ષિક પાટોત્સવ અંતર્ગત શ્રીમદ્ સત્સંગિજીવન પંચાન્હ પારાયણ યોજાશે

Author: નોબત સમાચાર

પ્રથમ વાર્ષિક પાટોત્સવ અંતર્ગત શ્રીમદ્ સત્સંગિજીવન પંચાન્હ પારાયણ યોજાશે

દ્વારકાના સ્વામિનારાયણ આશ્રમમાં તા. ર૬ મે થી

દ્વારકા તા. ૧૭: યાત્રાધમ દ્વારકામાં નાગેશ્વર રોડ પર આવેલ શ્રી સ્વામિનારાયણ આશ્રમમાં વડતાલધામ દ્વિશતાબ્દી મહોત્સવના ઉપક્રમે દેવભૂમિ દ્વારકામાં બિરાજમાન શ્રી ઘનશ્યામ મહારાજ આદિ દેવોના પ્રથમ વાર્ષિક પાટોત્સવ નિમિત્તે આગામી તા. ર૬-પ-ર૦ર૪ ને રવિવારથી તા. ૩૦-પ-ર૦ર૪ ને ગુરુવાર સુધી શ્રીમદ્ સત્સંગિજીવન પંચાન્હ પારાયણનું ભવ્ય આયોજન કરવામાં આવ્યું છે.

સંસ્થાના પ્રેરક તથા સંસ્થાક ગોવિંદપ્રસાદદાસજી સ્વામીના માર્ગદર્શનમાં યોજાનાર પંચાન્હ પારાયણ કથામાં દરરોજ સવારે ૯ થી ૧૧-૩૦ તથા બપોરે ૩ થી ૬ સુધી કથાવક્તા શા.સ્વા. રાધારમણદાસજી (રાજકોટ-જામજોધપુર) ની સંગીતમય શૈલીમાં ઉપસ્થિત હરિભક્તોને કથાનું રસપાન કરાવવામાં આવશે.

આ સંસ્થાના સ્થાપક સ્વામી ગોવિંદપ્રસાદજીએ તેમનું સંપૂર્ણ જીવન દ્વારકાના ગોમતી રોડ પર આવેલ સ્વામિનારાયણ મંદિરમાં ઘનશ્યામ મહારાજ તથા આવનારા હરિભક્તની સેવામાં વ્યક્તિત કર્યું છે. હાલમાં તેમણે હરિભક્તોના સહયોગથી કો.સ્વા. જેપી સ્વામી તથા દીપુભગતના સહકારથી નવા સંકુલનું થોડા સમય પહેલા જ નિર્માણ કર્યું છે. આ નવા સંકુલમાં ઘનશ્યામ મહારાજ તથા આદિ દેવોની અલૌકિક મૂર્તિઓ સ્થાપિત છે. હરિભક્તો માટે આ સંસ્થા એક દર્શનીય સ્થળ છે. તેમજ રહેવા તથા ભોજન માટે તેમજ સત્સંગ માટે પણ અલાયદી વ્યવસ્થા ઉપલબ્ધ છે.

જો આપને આ પોસ્ટ ગમી હોય તો શેર કરો...