Author: નોબત સમાચાર
શ્રાવણી મેળા સ્થળની મુલાકાત કરતા ડીએમસીઃ તૈયારીઓ પૂર્ણ
જામનગરમાં મહાનગરપાલિકા આયોજિત
જામનગર તા. રરઃ જામનગર મહાનગરપાલિકા દ્વારા આયોજિત શ્રાવણી મેળા સ્થળે ગઈકાલે મહાનગરપાલિકાના નાયબ કમિશનરે ચેકીંગ કર્યું હતું, જો કે હજુ મંજુરી મેળવવાની પ્રક્રિયા ચાલે છે. બીજી તરફ બે રાઈડ મંજુરી વગર ખડકાઈ જતા તેને દૂર કરવા નોટીસ પાઠવાઈ છે.
જામનગરના પ્રદર્શન મેદાનમાં શ્રાવણી મેળાનું આયોજન થયું છે. જે મેળા સ્થળે તમામ તૈયારીઓ પૂર્ણ થઈ છે. સ્ટોલ, રાઈડ, મનોરંજન સાધનો ગોઠવી દેવાયા છે, પરંતુ હજુ મંજુરી મેળવવાની પ્રક્રિયા ચાલે છે. દરમિયાન ગઈકાલે નાયબ કમિશનર શ્રી ઝાલાએ મેળા સ્થળની મુલાકાત કરી હતી અને તમામ મેળાનું નિરીક્ષણ કર્યું હતું. તેમની આ મુલાકાત સમયે અધિકારીઓ મુકેશ વરણવા અને નીતિન દિક્ષીત પણ સાથે જોડાયા હતાં.
બીજી તરફ બે રાઈડ મંજુરી વગર ઊભી કરી દેવામાં આવી છે, તેને દૂર કરવા નોટીસ પાઠવાઈ છે. જો તેને દૂર કરવામાં નહીં આવે તો તેમના લાઈટના જોડાણ કાપી નાખવામાં આવશે તેમ પણ જણાવી દેવાયું છે. જો આજે મંજુરી મળી જશે તો મેળો શરૂ થઈ શકશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
