Author: નોબત સમાચાર
સિક્કામાં એક દિવસ માટે બંધ પડેલા કવાર્ટરમાં લાખ રૂપિયાના દાગીના ચોરાયા
ચેઈન, વીટી, બુટી, મંગળસૂત્ર ઉઠાવી લેવાયાઃ
જામનગર તા. ૨૨: જામનગરના સિક્કામાં આવેલી ટીપીએસ કોલોનીમાં એક દિવસ માટે બંધ રહેલા કવાર્ટરમાં મુખ્ય દરવાજાનો નકૂચો તોડી ત્રાટકેલા તસ્કરે અંદરથી સોનાના રૂપિયા એકાદ લાખના દાગીના તફડાવ્યા છે. પોલીસે ગુન્હો નોંધી તપાસનો ધમધમાટ શરૂ કર્યાે છે.
જામનગર તાલુકાના સિક્કા ગામની ટીપીએસ કોલોનીમાં કવાર્ટર નં.૨માં બ્લોક નં.૩૩૨ નંબરના કવાર્ટરમાં રહેતા અશોકભાઈ માવજીભાઈ પરમાર નામના આસામીના રહેણાંકમાં ગયા રવિવારની સવારથી સોમવારની રાત્રિ સુધીમાં ચોરી થઈ છે.
અંદાજે ત્રીસેક કલાક બંધ રહેલા આ કવાર્ટરમાં મુખ્ય દરવાજાનો નકૂચો તોડી કોઈ શખ્સ ઘૂસી ગયા હતા. અંદર રહેલા કબાટમાંથી સોનાના ૨૦ ગ્રામ વજનના બે પાટલા, ૧૦ ગ્રામનું સોનાનું મંગળસૂત્ર રૂ. ૧૦ હજારનું તેમજ સાડા ચાર ગ્રામની સોનાની બુટી રૂ. ૪૫૦૦ની કિંમતની અને રૂ. ૪ હજારની ચાર ગ્રામ સોનાની વીટી તસ્કરે ઉઠાવવા ઉપરાંત સોનાનો ૧૦ ગ્રામનો ચારેક વર્ષ પહેલા બનાવેલો ચેઈન પણ ઉઠાવ્યો હતો.
કુલ રૂ. ૯૮,૮૧૩ની કિંમતના દાગીનાની ચોરી થઈ ગઈ હતી. અશોકભાઈએ ગઈકાલે સિક્કા પોલીસ સ્ટેશનમાં તેની ફરિયાદ નોંધાવી છે. પોલીસે અજાણ્યા તસ્કર સામે બીએનએસની કલમ ૩૦૫ (એ), ૩૩૧ (૧),૩૩૧ (૪) મુજબ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
