Author: નોબત સમાચાર
દેવભૂમિ દ્વારકા જિલ્લામાં મતદાર સુધારણા કાર્યક્રમ શરૃઃ ડોર-ટુ-ડોર સરવે હાથ ધરાશે
પહેલી જાન્યુઆરી-ર૦રપ ના ૧૮ વર્ષ થતા હોય, તેનો ઉમેરો થઈ શકશે
ખંભાળિયા તા. રરઃ દેવભૂમિ દ્વારકા જિલ્લામાં મતદાર યાદીને અદ્યતન અને ક્ષતિરહિત બનાવવા તારીખ ર૦ ઓગસ્ટ-ર૦ર૪ થી મતદાર યાદીની ખાસ સંક્ષિપ્ત સુધારણા કાર્યક્રમની શરૂઆત થઈ છે. તારીખ ૧ જાન્યુઆરી-ર૦રપ ની લાયકાત સંદર્ભે મતદાર યાદીની ખાસ સંક્ષિપ્ત સુધારણા કાર્યક્રમ અંતર્ગત જિલ્લા કક્ષાએ બુથ લેવલ ઓફિસર્સ દ્વારા હાઉસ ટુ હાઉસ સરવે હાથ ધરવામાં આવશે.
ભારતના ચૂંટણી પંચની સૂચનાનુસાર તા. ૧ જાન્યુઆરી-ર૦રપ ના ૧૮ વર્ષ પૂર્ણ કરનાર મતદારોનો સમાવેશ કરવા અને ક્ષતિરહિત અદ્યતન મતદાર યાદી તૈયાર કરવા મુખ્ય નિર્વાચન અધિકારીની કચેરી દ્વારા તા. ર૦ ઓગસ્ટ-ર૦ર૪ થી જિલ્લામાં મતદાર યાદીની સંક્ષિપ્ત સુધારણાનો કાર્યક્રમ હાથ ધરવામાં આવ્યો છે. મહિલાઓ, દિવ્યાંગો અને યુવાનો સહિત મહત્તમ મતદારો સહભાગી થાય અને પોતાના મતાધિકારના ઉપયોગ માટે મતદાર યાદીમાં નામ નોંધાવે તે માટે મુખ્ય નિર્વાચન અધિકારીની કચેરી દ્વારા સંનિષ્ઠ પ્રયાસો કરવામાં આવી રહ્યા છે.
તાજેતરમાં સંપન્ન થયેલી લોકસભાની ચૂંટણી પછી રાજ્યના ચૂંટણી તંત્ર દ્વારા મતદારયાદીની ખાસ સંક્ષિપ્ત સુધારણા ઝુંબેશ શરૂ કરવામાં આવી છે. આ ઝુંબેશ અંતર્ગત તા. ર૦-૮-ર૦ર૪ થી જિલ્લાના બુથ લેવલ ઓફિસર્સ દ્વારા હાઉસ ટુ હાઉસ સરવે હાથ ધરવામાં આવી રહ્યો છે. જેમાં તા. ૧ જાન્યુઆરી ર૦રપ ના ૧૮ વર્ષ પૂર્ણ કરનાર યુવાઓની યાદી બનાવવાની કામગીરી, મતદાર તરીકે ન નોંધાયેલા પાત્રતા ધરાવતા નાગરિકોનો સમાવેશ ઉપરાંત સ્થળાંતર કરનાર, મૃત્યુ પામનાર અને એકથી વધુ વખત નોંધાયેલા મતદારોના નામ કમી કરી મતદાર યાદીને ત્રુટીરહિત કરવા સહિતની કામગીરી કરવામાં આવશે.
હાઉસ ટુ હાઉસ સરવેની કામગીરી પૂર્ણ થયા પછી તા. ૧૯-૧૦-ર૦ર૪ થી તા. ર૮-૧૦-ર૦ર૪ સુધીમાં ફોર્મ નં. ૧ થી ૮ તથા સંકલિત મતદાર યાદી તૈયાર કરી તા. ર૯-૧૦-ર૦ર૪ ના મુસદ્દા મતદારયાદી પ્રસિદ્ધ કરવામાં આવશે. ત્યારપછી તા. ર૯-૧૦-ર૦ર૪ થી તા. ર૮-૧૧-ર૦ર૪ સુધી મતદાર યાદીમાં નામ ઉમેરવા, કમી કરવા તથા સુધારા માટે મળેલી અરજીઓ સંદર્ભે હક્ક-દાવા માટે અરજી કરી શકાશે. ઉપરાંત તા. ર૪-૧ર-ર૦ર૪ સુધીમાં આ અરજીઓનો નિકાલ કરી તા. ૬-૧-ર૦રપ ના મતદાર યાદીની આખરી પ્રસિદ્ધિ કરવામાં આવશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
