Author: નોબત સમાચાર
સુદર્શન બ્રિજ પર ચાલુ મોટરે રીલ બનાવનાર શખ્સ સહિત બે સામે ગુન્હો
રીલ સોશિયલ મીડિયામાં થયું હતું વાયરલઃ
જામનગર તા. ૨૨: ઓખાથી બેટ દ્વારકાને જોડતા સુદર્શન બ્રિજ પર ધીમે ચાલી રહેલી એક મોટર પર પોતાની તથા અન્યની જિંદગી જોખમાય તે રીતે ઉભા રહી રીલ બનાવી રહેલા બે શખ્સનો વીડિયો સોશિયલ મીડિયામાં વાયરલ થયો હતો. તે વીડિયો પરથી પોલીસે શરૂ કરેલી તપાસમાં રાજ્યના પાટનગર ગાંધીનગરના બે શખ્સ મળી આવ્યા છે. બંને સામે ગુન્હો નોંધાયો છે.
દેવભૂમિ દ્વારકા જિલ્લામાં આવેલા ઓખાને બેટ દ્વારકાથી જોડતા સુદર્શન બ્રિજના નિર્માણ પછી બેટ દ્વારકાનો વિકાસ થઈ રહ્યો છે. તેની સાથે સાથે નવા બ્રિજ પર લોકો ફોટા પડાવવા, વીડિયો ઉતારવા સહિતના સંભારણાઓ કેમેરા, મોબાઈલમાં કેદ કરી રહ્યા હોય છે. તેની વચ્ચે કેટલાક વ્યક્તિઓ અન્યની જિંદગી પર જોખમ સર્જાય તે રીતે પણ ફોટા કે વીડિયો ઉતારતા હોય છે. આવો જ એક બનાવ દોઢેક મહિના પહેલાં બન્યો છે.
તાજેતરમાં સોશિયલ મીડિયા પર વાયરલ થયેલા આ વીડિયોમાં દેખાય છે તે રીતે રાજ્યના પાટનગર ગાંધીનગર પાસીંગની એક મોટર સુદર્શન બ્રિજ પરથી પસાર થઈ રહી છે અને તે મોટરની છત પર એક શખ્સ ઉભો રહી વાક્યો બોલે છે અને તેની સાથે રહેલો શખ્સ તે મોટર ચલાવી રહ્યો છે.
ઉપરોકત વીડિયો પોલીસના ધ્યાનમાં આવ્યા પછી તેમાં દેખાતા મોટરના નંબર પરથી તપાસનો ધમધમાટ શરૂ થયો હતો. જેમાં આ મોટરના નં.જીજે-૧૮-બીઆર ૮૫૮૪ જણાઈ આવતા પોલીસે તે મોટર ચલાવી રહેલા ગાંધીનગર જિલ્લાના દેહ તાલુકાના વેલપુરા ગામના યુવરાજસિંહ જયદીપસિંહ ઝાલા તથા મોટર પર ઉભા રહી વીડિયો ઉતરાવતા મયુરસિંહ દિલીપસિંહ ચાવડાને શોધી કાઢ્યા છે. બંને સામે ઓખા મરીન પોલીસ સ્ટેશનમાં પો.કો. જયેશ ભાટુએ ખુદ ફરિયાદી બની ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
