Author: નોબત સમાચાર
ક્રિષ્ના પાર્કમાં બાવળની ઝાળીમાંથી ઘોડીપાસા વડે જુગાર રમતા પાંચ પકડાયા
દરેડ જીઆઈડીસીમાંથી ચાર પત્તાપ્રેમી ઝડપાયાઃ
જામનગર તા. ૫: જામનગરના ગુલાબનગર પાસેના ક્રિષ્ના પાર્કમાં બાવળની ઝાળીઓમાં ગઈરાત્રે ઘોડીપાસા વડે જુગાર રમતા પાંચ શખ્સ ઝડપાયા છે. જ્યારે દરેડ જીઆઈડીસીમાંથી ચાર પરપ્રાંતિય શખ્સ ગંજીપાના કૂટતા મળી આવ્યા છે. કાલાવડ નાકા બહારથી એક વર્લીબાજને પોલીસે પકડી પાડ્યો છે.
જામનગરના ગુલાબનગર નજીકના ક્રિષ્ના પાર્ક પાસે ગઈ રાત્રે કેટલાક શખ્સો એકઠા થઈ જુગાર રમતા હોવાની બાતમી પરથી સિટી બી ડિવિઝનના સર્વેલન્સ સ્ટાફે પીઆઈ પી.પી. ઝાની સૂચનાથી દરોડો પાડતા ત્યાં બાવળની ઝાળીઓમાં ઘોડીપાસા વડે જુગાર રમતા પાંચ શખ્સ મળી આવ્યા હતા.
ત્યાંથી ઘોડીના પાસા ફેંેંકી પૈસાની હારજીત કરતા રહીમ ઈબ્રાહીમ ખીરા, અબ્દુલકાદીર અલાઉદ્દીન વારીયા, અકબર ઈકબાલ મકવાણા, સોહિલ અલારખા ખીરા, અકરમ કાસમ દરજાદા નામના પાંચ શખ્સ રૂા.૨૧૧૦૦ રોકડા સાથે ઝડપાઈ ગયા હતા. પોલીસે જુગારધારાની કલમ ૧૨ હેઠળ ગુન્હો નોંધ્યો છે.
જામનગર નજીકના દરેડ જીઆઈડીસી ફેસ-૩માં મહાવીર સર્કલ નજીક પ્લોટ નં.૩૨૧૪ સામે ગઈકાલે બપોરે ગંજીપાના વડે જુગાર રમતા મુકેશ માતાપ્રસાદ જાટવ, મહેન્દ્ર સંતરામ જાટવ, બિપીન મુન્નાભાઈ જાટવ, શ્યામ શ્રીગંગા જાટવ નામના ચાર શખ્સ પોલીસના દરોડામાં ઝડપાઈ ગયા હતા. પટમાંથી રૂા.૧૧,૯૦૦ રોકડા કબજે કરાયા છે.
જામનગરના કાલાવડ નાકા બહાર આવેલી મહારાજા સોસાયટી પાસે ગઈકાલે રાત્રે ઉભા રહી વર્લીના આંકડા લખતો અસરફ કાસમ કચ્છી નામના શખ્સને પોલીસે પકડી લીધો છે. તેના કબજામાંથી વર્લીના આંકડા લખેલી ચિઠ્ઠી, રોકડ ઝબ્બે લેવાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
