Author: નોબત સમાચાર
ધ્રોલ-રાજકોટ વચ્ચે ખાનગી બસ પાછળ ટ્રક ઘૂસ્યોઃ ૧૭ને ઈજા
સફરની ઉંઘ માણતા મુસાફરોની ચીચીયારીઃ બસ આડી પડી ગઈઃ જાનહાની ટળીઃ
જામનગર-રાજકોટ ધોરીમાર્ગ પર આવેલા ધ્રોલથી ચારેક કિલોમીટર દૂર સરમરીયા દાદાની જગ્યા પાસે આજે સવારે સાડા આઠેક વાગ્યે દોડી જતી ખાનગી બસના ઠાઠામાં એક ટ્રક ઘૂસી ગયો હતો. સવારની અને સફરની ઉંઘ માણી રહેલા મુસાફરોની ચીસ ધોરીમાર્ગ પર ગાજી ઉઠી હતી. ખાનગી બસના પાછળના ભાગથી આગળ સુધી બેસેલા મુસાફરોમાંથી ૧૭ જેટલા મુસાફરને નાની મોટી ઈજા થઈ હતી. અકસ્માતના પગલે ત્યાંથી પસાર થતાં વાહનો થંભવા માંડ્યા હતા. કોઈએ ૧૦૮ને જાણ કરતા વારાફરતી એમ્બ્યુલન્સ દોડી આવી હતી. તેમાં બસમાંથી કાઢવામાં આવેલા મુસાફરોને સારવાર માટે ધ્રોલ દવાખાને ખસેડવામાં આવ્યા હતા. ધ્રોલ પોલીસની ટીમ પણ દોડી આવી હતી. આ અકસ્માતમાં ટ્રકની જબરદસ્ત ટક્કર વાગતા ખાનગી બસ રોડના કિનારે આડી પડી ગઈ હતી. સદ્નસીબે આ અકસ્માતમાં કોઈ જાનહાની થઈ નથી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
