મહારાષ્ટ્રમાં મહાયુતિ અને મહાવિકાસ અઘાડી વચ્ચે ખરાખરીનો જંગઃ બળાબળના પારખાં

Author: નોબત સમાચાર

મહારાષ્ટ્રમાં મહાયુતિ અને મહાવિકાસ અઘાડી વચ્ચે ખરાખરીનો જંગઃ બળાબળના પારખાં

ભાજપ, કોંગ્રેસ તથા શિવસેના-એનસીપીના બબ્બે જૂથો ચૂંટણી જંગમાં: અનેક નેતાઓની કારકીર્દિનો અંતિમ ફેંસલોઃ મતદાનની ટકાવારી પર નજર

મુંબઈ તા. ૨૦: મહારાષ્ટ્ર વિધાનસભા ચૂંટણી-ર૦ર૪ માં કાંટાની ટક્કર છે. સત્તાધારી મહાયુતિ અને વિપક્ષી મહા વિકાસ આઘાડી વચ્ચે સ્પર્ધા છે. મહાયુતિમાં ભાજપ, શિંદે જૂથની શિવેસેના અને અજિત પવાર જૂથની એનસીપી સામેલ છે. મહાવિકાસ આઘાડીમાં ઉદ્ધવ ઠાકરે જૂથ, શરદ પવાર જૂથ અને કોંગ્રેસ સામેલ છે.

બન્ને ગઠબંધન જીતવા માટે સક્ષમ છે. ભાજપ ૧૪૯ બેઠકો પર શિવસેના ૮૧ બેઠકો પર અને અજિત પવારની આગેવાની હેઠળની એનસીપીએ પ૯ બેઠકો પર પોતાના ઉમેદવારો ઊભા રાખ્યા છે. વિપક્ષી ગઠબંધનમાં કોંગ્રેસે ૧૦૧, શિવસેના (યુબીટી) ૯પ અને એનસીપી (એસપી) ૮૬ ઉમેદવારો મેદાનમાં ઉતાર્યા છે. શિવસેનાના બન્ને ઉમેદવારો પ૦ થી વધુ સીટો પર એકબીજાની સામે છે, જ્યારે ૩૭ સીટો પર બન્ને પવારોએ પોતાના ઉમેદવારો ઊભા રાખ્યા છે.

મહારાષ્ટ્રમાં વિધાનસભા ચૂંટણીમાં મહાયુતિ અને મહાવિકાસ આઘાડી (એમવીએ) વચ્ચે સ્પર્ધા જબરજસ્ત ટક્કર થવાની છે. છેલ્લા પાંચ વર્ષમાં મહારાષ્ટ્રના રાજકારણમાં ત્રણેય સરકારો, ત્રણ મુખ્યમંત્રી અને ચાર ડેપ્યુટી સીએમ જોવા મળ્યા છે. શિવસેના અને રાષ્ટ્રવાદી કોંગ્રેસ પાર્ટી (એનસીપી) માં થયેલા વિભાજને રાજ્યના રાજનૈતિક સમીકરણોને સંપૂર્ણ રીતે બદલી દીધું છે અને અનેક ચોંકાવનારા ગઠબંધન જોવા મળ્યા છે.

મહારાષ્ટ્રમાં ગઠબંધનનું રાજકારણ કોઈ નવી વાત નથી. છેલ્લી છ વિધાનસભા ચૂંટણીમાં કોઈપણ પાર્ટીને સ્પષ્ટ બહુમત મળ્યું નથી, આ વખતે ભારતીય જનતા પાર્ટી (બીજેપી), મુખ્યમંત્રી એકનાથ શિંદેના નેતૃત્વવાળા શિવસેના જૂથ અને અજિત પવારના રાષ્ટ્રવાદી કોંગ્રેસ પાર્ટી (એનસીપી) જૂથની આગેવાનીવાળી મહાયુતિ ગઠબંધનને ઉદ્ધવ ઠાકરેના નેતૃત્વવાળી શિવસેના (યુબીટી), શરદ પવારના એનસીપી જૂથ અને કોંગ્રેસના એમવીએ જૂથ સામે ટક્કર મળી રહી છે.

બન્ને જ ગઠબંધનો માટે આ ચૂંટણી ફક્ત સત્તાની લડાઈ નથી, પણ અસ્તિત્ત્વ અને ઓળખની લડાઈ છે. દરેક ગઠબંધનને આંતરિક અને બાહ્ય પડકારોનો સામનો કરવો પડી રહ્યો છે અને પરિણામ કોઈના પણ પક્ષમાં જઈ શકે છે. આ એક એવી ચૂંટણી છે જે મહારાષ્ટ્રના રાજનૈતિક ભવિષ્યને ફરીથી નક્કી કરશે, જાણો બન્ને ગઠબંધનોના પક્ષમાં અને વિપક્ષમાં શું કામ કરી રહ્યું છે.

મહાવિકાસ અઘાડીની સંભવિત જીતના પરિણામો વૈચારિક મતભેદોને કારણે ર૦૧૯ માં મહાવિકાસ આઘાડી ગઠબંધન થયું હતું. તે સમયે ઉદ્ધવ ઠાકરેએ ભાજપ સાથે સંબંધો તોડી નાખ્યા હતાં. જો કે, ર૦રર માં એકનાથ શિદેના પક્ષપલટાને કારણે ઉદ્ધવની સરકાર પડી. આગામી મહારાષ્ટ્ર વિધાનસભા ચૂંટણીમાં વિજય હાંસલ કરવા માટે એમવીએ ઘણા મુખ્ય પરિબળો પર ગણતરી કરી રહ્યું છે. એમવીએ હવે તેના પડકારોને તેની શક્તિમાં ફેરવવા માંગે છે.

એમવીએમ લોકસભા ચૂંટણીમાં તેના શાનદાર પ્રદર્શન પછી આ ચૂંટણીઓમાં મનોવૈજ્ઞાનિક ધાર સાથે પ્રવેશ કરી રહી છે, જ્યાં તેણે મહારાષ્ટ્રમાં ૪૮માંથી ૩૧ બેઠકો જીતી હતી. ભાજપની સંખ્યા ર૩ થી ઘટીને માત્ર ૯ રહી ગઈ છે. કોંગ્રેસે ૧૩, શિવસેના (યુબીટી) ૯ અને એનસીપી (એસપી) ૮ બેઠકો જીતી હતી. એસેમ્બલી ડેટા દર્શાવે છે કે એમવીએ લગભગ ૧૬૦ વિધાનસભા મતવિસ્તારોમાં લીડ લીધી છે. જે ૧૪પ સીટોના બહુમતી ચિત્ર કરતા ઘણી વધારે છે.

જો કે, રાજકીય વિશ્લેષકો લોકસભાના વલણોને રાજ્યની ચૂંટણીઓ સાથે સીધી રીતે જોડવા સામે સાવચેતી રાખે છે, જ્યાં સ્થાનિક મુદ્દાઓ પ્રભુત્વ ધરાવે છે. રાજકીય વિશ્લેષક અંબરીશ મિશ્રા કહે છે કે લોકસભાની લીડ એટલી મજબૂત નહીં હોય. કારણ કે, અગાઉના મુદ્દાઓ જેવા કે મરાઠાઓ માટે આરક્ષણ અને એમવીએ અભિયાન કે જે ભાજપ બંધારણ બદલવા માંગે છે, તેની ગતિ ગુમાવી દીધી છે. વધુમાં હરિયાણામાં જેઈઈટી (જિત) સહિત મહાયુતિનું પુનરૂત્થાન અને લડકી બેહન જેવી લોકપ્રિય યોજનાઓ વાર્તા બદલી શકે છે.

મહાયુતિના સંભવિત

વિજયના પરિબળો

મહાયુતિનું નેતૃત્વ મુખ્યમંત્રી પદના ત્રણ મોટા દાવેદારો કરી રહ્યાં છે. વર્તમાન સીએમ એકનાથ શિંદે છે, જેઓ કલ્યાણકારી યોજનાઓ અને આક્રમક છબી નિર્માણ માટે જાણીતા છે. અજિત પવાર તેમની વહીવટી કુશળતા માટે જાણીતા છે. ભાજપના દેવેન્દ્ર ફડણવીસ બે વખત મુખ્યમંત્રી રહી ચૂક્યા છે. ફડણવીસે એ વાત પર ભાર મૂક્યો છે કે, આગામી મુખ્યમંત્રીની પસંદગી માટે ગઠબંધનની સ્પષ્ટ નીતિ છે. તેણે મ્યુઝિકલ ચેરની ગોઠવણ અંગેની અટકળોને ફગાવી દીધી. ભાજપ ૧૪૯ બેઠકો પર, શિંદેનું જૂથ ૮૧ બેઠકો પર અને પવારનું જૂથ પ૬ બેઠકો પર ચૂંટણી લડી રહ્યું છે.

કન્ફયુઝન

ભાજપના 'બટેંગે તો કટેંગે', 'એક હૈ તો સેફ હૈ' નારાઓ ચર્ચામાં અને વિવાદમાં પણ રહ્યાં, તેમાંય વળી યોગી આદિત્યનાથ બટેંગે તો કટેંગે ના નારા મહાયુતિમાં વિવાદ રહ્યો હતો. મહાયુતિ મતદારોને ધર્મના આધારે જોડતી હોવાનો આક્ષેપ એમવીએ દ્વારા કરવામાં આવ્યો હતો. યોગીના મંત્ર 'બટેંગે તો કટેંગે' ને ફક્ત વિપક્ષો તરફથી જ નહીં, પણ મહાયુતિના સાથી પક્ષોના કેટલાક નેતાઓ તરફથી નાપસંદ કરવામાં આવ્યો હતો. હવે આજે કોને જનાદેશ મળે છે, તે જોવાનું રહ્યું.

જો આપને આ પોસ્ટ ગમી હોય તો શેર કરો...