Author: નોબત સમાચાર
ધરારનગરમાં મકાનમાંથી દારૂની ચોવીસ બોટલ, બીયરના પાંચ ટીન કબજે
સ્કૂટરમાં કરાતી દારૂની હેરાફેરી ઝડપાઈઃ
જામનગર તા. ૨૦: જામનગરના ધરારનગરમાં એક મકાનમાંથી પોલીસે દારૂની ર૪ બોટલ અને બીયરના પાંચ ટીન પકડી પાડ્યા છે. કાનાનગરમાંથી એક શખ્સ દારૂની છ બોટલ સાથે મળી આવ્યો છે. સ્કૂટરમાં દારૂ લઈને જતાં શખ્સની સુમેર કલબ રોડ પરથી અટકાયત કરાઈ છે. જીવાપરમાંથી એક બોટલ કબજે લેવાઈ છે.
જામનગરના સરૂ સેક્શન રોડ પર આવેલા ધરારનગરમાં દરગાહ પાસે રહેતા એક શખ્સના મકાનમાં અંગ્રેજી દારૂનો જથ્થો પડ્યો હોવાની બાતમી પરથી ગઈકાલે સાંજે સિટી બી ડિવિઝનના સ્ટાફે પીઆઈ પી.પી. ઝાની સૂચનાથી દરોડો પાડ્યો હતો.
ત્યાં આવેલા કિરીટસિંહ બહાદુરસિંહ ચુડાસમા નામના શખ્સના મકાનમાં તલાશી લેવાતા ત્યાંથી વ્હીસ્કીની ૨૪ બોટલ તથા બીયરના પાંચ ટીન મળી આવ્યા હતા. પોલીસે દારૂનો જથ્થો કબજે લીધો છે અને દરોડા પહેલાં નાસી ગયેલા કિરીટસિંહની શોધ શરૂ કરી છે.
જામનગરના દિગ્વિજય પ્લોટ વિસ્તારની શેરી નં.૬૦ સ્થિત કાનાનગરમાં પ્રકાશ શિતલદાસ કલવાણી ઉર્ફે પંકજ મોરબી નામના શખ્સના મકાનમાં ગઈકાલે સાંજે સિટી એ ડિવિઝનના સ્ટાફે પીઆઈ એન.એ. ચાવડાની સૂચનાથી દરોડો પાડી તલાશી લેતા ત્યાંથી દારૂની છ બોટલ સાથે પ્રકાશ ઝડપાઈ ગયો હતો.
જામનગરના સુમેર કલબ રોડ પરથી ગઈકાલે રાત્રે જીજે-૧૦-એએસ ૮૨૬ નંબરના એક્સેસ સ્કૂટરમાં જઈ રહેલા ગુલાબનગર સામેના નારાયણ નગરમાં રહેતા લાલચંદ વહેવારીમલ ઢીંગલાણી નામના શખ્સને રોકી સિટી એ ડિવિઝન પોલીસ સ્ટેશનના સર્વેલન્સ સ્ટાફે ચેક કરતા તેના સ્કૂટરમાંથી દારૂની છ બોટલ મળી આવી હતી. પોલીસે દારૂ તથા સ્કૂટર કબજે કર્યા છે.
જામનગર-ખંભાળિયા રોડ પર આમરા ગામ પાસે આવેલા જીવાપર નજીકના બસ સ્ટેન્ડ પાસેથી પ્રવીણ નથુભાઈ કંટારીયા નામના શખ્સ દારૂની બોટલ સાથે ઝડપાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
