Author: નોબત સમાચાર
ગુજરાતી ફિલ્મ 'ધ ગ્રેટ ગુજરાતી મેટ્રિમોની' તા. ૨૨ નવેમ્બરે સિનેમાઘરોમાં રિલીઝ થશે
અમદાવાદ તા. ૨૦: જાહ્ન સ્ટુડિયોના બેનર હેઠળ બનેલ ફિલ્મ 'ધ ગ્રેટ ગુજરાતી મેટ્રિમોની' તેની રિલીઝ ડેટ એનાઉન્સમેન્ટ પછી જોરશોરથી ચર્ચામાં છે. આ ફિલ્મ ૨૨ નવેમ્બરે રિલીઝ થઈ રહી છે. મુખ્ય ભૂમિકા નિભાવી રહેલા અભિનેતા મિત્ર ગઢવી અને અભિનેત્રી સિદ્ધિ ઈદનાની આ ફિલ્મના ટ્રેલર પરથી સ્પષ્ટ થાય છે કે ફિલ્મ કંઈક અલગ સ્ટોરી લાઈન લઈને આવી રહી છે. દિવ્યેશ દોશી અને જગત ગાંધી દ્વારા પ્રોડ્યુસ કરવામાં આવેલ આ ફિલ્મના ડિરેક્ટર પ્રીત છે જેઓ અગાઉ ગુજરાતી ફિલ્મ 'વેનીલા આઈસ્ક્રીમ' ડિરેક્ટ કરી ચૂક્યા છે. ગુજરાતી ફિલ્મ જગતમાં ૧૫ વર્ષથી પણ વધુ અનુભવ ધરાવતા એવા મનોજ આહિર આ ફિલ્મના કો-પ્રોડ્યુસર છે જેમણે સ્ટોરીટેલ ફિલ્મસના સહયોગથી આ ફિલ્મનું સહ-નિર્માણ કરેલ છે.
મિત્ર ગઢવી અને સિદ્ધિ ઈદનાની ઉપરાંત આ ફિલ્મમાં હિતેન કુમાર, દેવર્ષી શાહ, સુચિતા ત્રિવેદી, તત્સત મુન્શી, જ્હાન્વી ગુરનાની, છાયા વોરા, પ્રશાંત બારોટ, ચૌલા દોશી સહિતના અનેક પ્રતિભાશાળી કલાકારો છે જેઓએ પોતાના અભિનયના ઓજશ પાથર્યા છે. ફિલ્મની વાર્તા જ્હાન્વી ચોપડા દ્વારા લિખિત છે અને સિદ્ધાર્થ અમિત ભાવસારનું અત્યંત સુંદર મ્યુઝિક આ ફિલ્મમાં ચાર ચાંદ લગાવે છે. બોલિવુડ ફિલ્મોમાં બીજીએમ મ્યુઝિક આપનાર અમર મોઈલે દ્વારા આ ફિલ્મને વધુ મ્યુઝિકલ બનાવાઈ છે.
'ધ ગ્રેટ ગુજરાતી મેટ્રિમોની' પ્રેમ, સામાજિક તફાવતો અને ગુજરાતી પરંપરાઓને અંતર્ગત પોતાની જાતને શોધતા ત્રણ પાત્રોની જર્નીની વાત છે. ઈતિશ્રી, એક થિયેટર એકટ્રેસ, તેના પિતાની અપેક્ષાઓ અને સામાજિક નિયમો સાથે સંઘર્ષ કરે છે, અને મેટ્રીમોની કંપની દ્વારા તેનો સંપર્ક યુ.કે.ના બેંકર વેદ સાથે થાય છે. રાઘવ મેટ્રિમોની કંપનીના ઓનર છે અને ઈતિશ્રીના પ્રેમમાં પડે છે અને આ વાતી અજાણ જ્યારે ઈતિ અને વેદની સગાઈની તૈયારીઓને મધ્યાંતર, વાર્તાને નવો જ વળાંક આપતાં અમૂક છુપાયેલા રહસ્યો બહાર આવે છે. આ સાથે જ રૂસ્તમ કાકા, ઈરાની કાફેના માલિક અને શાલિની, એક શાસ્ત્રીય નૃત્ય શિક્ષિકાની વાત વાર્તામાં ગહનતા અને નવો દૃષ્ટિકોણ ઉમેરે છે. જે પ્રેમની નવી પરિભાષા સમજાવે છે. અંતે ઈતિશ્રીની જર્ની હૃદયસ્પર્શી પુનર્મિલન તરફ દોરી જાય છે, જેમાં સાચા પ્રેમ અને વ્યક્તિગત વિકાસનો અનોખો સંગમ જોવા મળે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
