હર્ષ પોલીપેકના કર્મયોગીઓનો સન્માન સમારોહ

Author: નોબત સમાચાર

હર્ષ પોલીપેકના કર્મયોગીઓનો સન્માન સમારોહ

જામનગર તા. ર૪: જામનગરની હર્ષ પોલીપેક પ્રા.લિ. કંપનીના ૧ર મા વર્ષમાં મંગલ પ્રવેશ નિમિત્તે ૧૧ વર્ષની સફળ યાત્રાના સહભાગી એવા કંપનીમાં ઉત્તમ કામગીરી કરનારા કર્મચારીઓનું સન્માન કરવાનો સમારોહ કંપનીના પ્રણેતા બાબુલાલ ભીમજીભાઈ બદિયાણીના અધ્યક્ષસ્થાને યોજાયો હતો.

હર્ષ પોલીપેકના વિવિધ વિભાગોમાં ઉત્કૃષ્ટ કામગીરી કરનારા કર્મચારીઓનું રોકડ પુરસ્કાર તથા શીલ્ડ એનાયત કરી સન્માન કરવામાં આવ્યું હતું. આ પ્રસંગે કંપનીના એમડી કૈલાસભાઈ બદિયાણી, પાર્થભાઈ બદિયાણી, હર્ષભાઈ બદિયાણી, સીઈઓ કમલેશભાઈ ગરસર, કિરીટભાઈ બદિયાણી, પૂર્વ મામલતદાર લુક્કા, અજીતભાઈ કોટેચા, પત્રકાર સંજયભાઈ જાની, દિલીપભાઈ મકવાણા વિગેરે અગ્રણીઓ ઉપસ્થિત રહ્યા હતાં. આ સમારોહમાં કંપનીના કર્મયોગીના શિક્ષણ ક્ષેત્રે સિદ્ધિ પ્રાપ્ત કરનાર તેજસ્વી સંતાનો તેમજ સમારોહમાં ઉપસ્થિત વરિષ્ઠ વડીલોનું પણ સન્માન કરવામાં આવ્યું હતું. આ સમારોહમાં કૈલાસભાઈ બદિયાણી તથા બીનાબેન બદિયાણીની મેરેજ એનિવર્સરીની પણ ઉજવણી કરવામાં આવી હતી. ચોઈસ ઓફ મ્યુઝિક ઓરકેસ્ટ્રાવાળા રાજુભાઈ ચંદારાણા, મ્યુઝિક ડાયરેક્ટર રાજ રાણા, ગાયક કલાકાર રીના ગજ્જર વગેરેએ ગીત-સંગીતનો કાર્યક્રમ રજૂ કર્યો હતો. કાર્યક્રમનું સંચાલન વિશ્વા મોરઝરિયા તથા પી.ડી. ત્રિવેદીએ કર્યું હતું. આભારદર્શન સિક્કા ન.પા.ના સદસ્ય ધરતીબેન મજીઠીયાએ કર્યું હતું.

જો આપને આ પોસ્ટ ગમી હોય તો શેર કરો...