સમાજના અગ્રણી અજયકુમાર અગ્રવાલનું રાષ્ટ્રીયકક્ષાના સંગઠન દ્વારા દિલ્હીમાં સન્માન

Author: નોબત સમાચાર

સમાજના અગ્રણી અજયકુમાર અગ્રવાલનું રાષ્ટ્રીયકક્ષાના સંગઠન દ્વારા દિલ્હીમાં સન્માન

જામનગરની દિગ્જામ મિલના પૂર્વ એક્ઝિ. ડાયરેકટર અને

જામનગર તા. ૯: જામનગરની દિગ્જામ લિમિટેડના પૂર્વ એકિઝકયુટિવ ડાયરેકટર અને અગ્રવાલ સમાજના અગ્રણી અજયકુમાર અગ્રવાલને દિલ્હીમાં સન્માનિત કરવામાં આવ્યા હતાં.

જામનગરની દિગ્જામ લીમીટેડના પૂર્વ એકિઝકયુટિવ ડાયરેકટર અને અગ્રવાલ સમાજના અગ્રણી અજયકુમાર અગ્રવાલનું તા. ૫-૧-૨૦૨૫ના દિલ્હીમાં અખિલ ભારતીય અગ્રવાલ સંગઠન દ્વારા સન્માન કરવામાં આવ્યું હતું. તેઓ દિલ્હી યુનિવર્સિટીમાં પોતાનો અભ્યાસ પૂર્ણ કરી અને ગુજરાતને પોતાની કર્મભૂમિ બનાવી અગ્રવાલ સમાજની સંસ્થાઓ ઉપરાંત અનેક સામાજિક સંસ્થાઓ સાથે જોડાયને સમાજમાં સેવાકીય પ્રવૃતિઓ કરે છે જેની નોંધ લઈને શ્રી અખિલ ભારતીય અગ્રવાલ સંગઠન દ્વારા દિલ્હીના આંબેડકર ઈન્ટર નેશનલ ઓડીટોરીયમમાં મહામંડલેશ્વર પરમ પૂજય ગીતા મનીષી શ્રી જ્ઞાનાનંદજી મહારાજના સાનિધ્યમાં પણ લોકસભાના અધ્યક્ષ ઓમ બિરલાની ખાસ ઉપસ્થિતિમાં યોજાયેલ સમારોહમાં મહારાજા અગ્રસેન ગ્લોબલ આઈકોન એવોર્ડ આપવામાં આવેલ છે.

અગ્રવાલ સમાજના આ સમારોહમાં સંગઠનના ચેરમેન પ્રદિપ મિતલ તથા અધ્યક્ષ ડો. સુશીલ ગુપ્તા સહિત અગ્રવાલ સંગઠનના અનેક મહાનુભાવો ઉપસ્થિત રહ્યા હતાં.

આ એવોર્ડ માટે આંતરરાષ્ટ્રીય લેવલે અગ્રવાલ સમાજની કુલ ૫૧ મહાન વિભૂતિઓની પસંદગી કરવામાં આવી હતી જેમાં અજયકુમાર અગ્રવાલનો સમાવેશ કરવામાં આવ્યો હતો તેથી ગુજરાત અગ્રવાલ સમાજમાં ખુશીનો માહોલ જોવા મળેલ છે અને અગ્રવાલને અભિનંદન પાઠવવામાં આવ્યા છે.

અજયકુમાર અગ્રવાલ હાલ અખિલ ભારતીય અગ્રવાલ સંગઠન-ગુજરાત પ્રદેશના ઉપપ્રમુખ, અગ્રવાલ સમાજ વિકાસ પરિષદ ટ્રસ્ટ-ગુજરાતના ટ્રસ્ટી, અગ્રસેન ધામના ટ્રસ્ટી તરીકે સેવા આપે છે આ ઉપરાંત લાયન્સ કલબ જેવી સંસ્થાઓ સાથે સંકળાયેલ રહીને સમાજ સેવા કરે છે.

જો આપને આ પોસ્ટ ગમી હોય તો શેર કરો...