Author: નોબત સમાચાર
નદીપામાં મકાનમાંથી ઈંગ્લીશ દારૂની ૧૪ બોટલ પકડાઈઃ મહિલા સહિત બે સામે ગુન્હો
બે મહિલા સંચાલિત દેશી દારૂની ભઠ્ઠીનો પકડી લેવાઈઃ
જામનગર તા.૯ : જામનગરના નદીપા રોડ પર આવેલા એક મકાનમાં ગઈકાલે પોલીસે દરોડો પાડી ઈંગ્લીશ દારૂની ૧૪ બોટલ સાથે મહિલાને પકડી પાડ્યા છે. તેઓએ સપ્લાયરનું નામ આપ્યું છે. ખુલ્લા ફાટક નજીક બાવરીવાસમાં બે ઝૂંપડામાં ધમધમતી દેશી દારૂની ભઠ્ઠી પોલીસે પકડી લીધી છે.
જામનગરના નદી૫ા વિસ્તારમાં એક મકાનમાં દારૂની બોટલ રાખવામાં આવી હોવાની બાતમી પરથી ગઈકાલે દરબારગઢ પોલીસચોકીના સ્ટાફે પીઆઈ એન.એ. ચાવડા ની સૂચના તથા પીએસઆઈ વી.આર. ગામેતીના વડપણ હેઠળ શેરી નં.રમાં સંજરી નામના મકાનમાં દરોડો પાડી તલાશી લીધી હતી.
આ મકાનમાંથી દારૂની ૧૪ બોટલ મળી આવી હતી. બોટલ સાથે મરીયમબેન ઉર્ફે અફસાના ઈમ્તિયાઝ રફાઈ નામના મહિલાની ધરપકડ કરવામાં આવી છે. આ મહિલાએ મહંમદ મુસાભાઈ કકલ ઉર્ફે મામદા પાસેથી દારૂ લીધાની કબૂલાત કરી છે.
જામનગરના દિગ્જામ વુલન મીલ નજીક આવેલા ખુલ્લા ફાટક પાસે બાવરીવાસ સ્થિત વૈજયંતી લક્ષ્મણભાઈ ડાભી નામના મહિલાના ઝૂંપડામાં ગઈકાલે સિટી સી ડિવિઝનના સ્ટાફે દરોડો પાડી તલાશી લેતાં દેશી દારૂની ભઠ્ઠી મળી આવી હતી. સ્થળ પરથી આથો, ભઠ્ઠીના સાધનો, તૈયાર દારૂ કબજે કરાયા છે.
ત્યાં જ આવેલા આરતીબેન જેસારાજ ડાભીના ઝૂંપડામાંથી પણ ભઠ્ઠી મળી આવી હતી. ૪૦ લીટર આથો, ભઠ્ઠીના સાધનો, તૈયાર દારૂ કબજે કરાયો છે. બંને મહિલા દરોડા પહેલા નાસી ગયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
