Author: નોબત સમાચાર
દિલ્હીના મુખ્યમંત્રી પદે રેખા ગૂપ્તાએ ૬ મંત્રીઓ સાથે લીધા શપથ
વડાપ્રધાન નરેન્દ્ર મોદી, ગૃહમંત્રી અમિતભાઈ શાહ, જે.પી. નડ્ડા, મંત્રીઓની ઉપસ્થિતિઃ ભાજપનો ર૭ વર્ષનો વનવાસ ખતમ
નવી દિલ્હી તા. ર૦: દિલ્હીના મુખ્યમંત્રી પદે રેખા ગૂપ્તાએ શપથ લીધા છે. એલજીએ રેખા ગૂપ્તાને શપથ અપાવ્યા છે. નવા મુખ્યમંત્રીને ઝેડ કેટેગરીની સુરક્ષા આપવામાં આવી છે.
શાલીમાર બાગના ભાજપના ધારાસભ્ય રેખા ગૂપ્તા દિલ્હીના ૯ મા મુખ્યમંત્રી બન્યા છે. તેમણે રામલીલા મેદાનમાં મુખ્યમંત્રી તરીકે શપથ લીધા હતાં. રેખા ગુપ્તા સાથે ૬ મંત્રીઓએ પણ શપથ લીધા હતાં. જેમાં અરવિંદ કેજરીવાલને હરાવનાર પ્રવેશ વર્મા, આશિષ સુદ, મનજિંદર સિંહ સિરસા, રવિન્દ્ર ઈન્દ્રરાજ સિંહ, કપિલ મિશ્રા અને પંકજ કુમાર સિંહના નામ સામેલ છે. દિલ્હીના એલ.જી.એ શપથવિધિ કરાવી હતી.
ભાજપ માટે ઐતિહિસક દિવસ છે, કારણ કે ભાજપ ર૭ વર્ષ પછી રાજધાનીમાં સત્તામાં પાછી આવી છે. સુષ્મા સ્વરાજ, શીલા દિક્ષિત અને આતિશી પછી રેખા ગૂપ્તા દિલ્હીના ચોથા મહિલા મુખ્યમંત્રી છેે. રામલીલા મેદાનમાં યોજાયેલા શપથગ્રહણ સમારોહમાં ભાજપ શાસિત રાજ્યોના મુખ્યમંત્રીઓ તથા કેન્દ્રિય મંત્રીઓ હાજર રહ્યા છે. પીએમ મોદી, ગૃહમંત્રી અમિત શાહ, રાષ્ટ્રીય ભાજપના અધ્યક્ષ જે.પી. નડ્ડા ખાસ ઉપસ્થિત રહ્યા હતાં.
દિલ્હીના મુખ્યમંત્રી પદ ગ્રહણ કરતા પહેલા જ રેખા ગૂપ્તાને ઝેડ કેટેગરીની સુરક્ષા પ્રદાન કરવામાં આવી હતી. ગૃહ મંત્રાલયના આદેશ પર દિલ્હી પોલીસે રેખા ગૂપ્તાના ઘર પર ચાર પોલીસકર્મી, બેક સાઈડ પર ચાર પોલીસકર્મી અને બે કમાન્ડો સાથે ઝેડ કેટેગરીની સુરક્ષા વ્યવસ્થા કરી છે. મુખ્યમંત્રી બનતા જ તેમને આ સુરક્ષા આપવામાં આવશે.
રેખા ગૂપ્તાએ શપથ લેતા પહેલા મીડિયા સાથે વાત કરતી વખતે જણાવ્યું કે, મને એક મોટી જવાબદારી સોંપવામાં આવી છે. હું પીએમ મોદી અને ટોચના નેતૃત્વનો આભાર માનું છું કે તેમણે મારા જેવી દીકરી પર વિશ્વાસ દર્શાવ્યો, જે એક સરળ પરિવારમાંથી આવે છે. હું મારી બધી ક્ષમતા, શક્તિ અને પ્રામાણિક્તા સાથે જવાબદારી નિભાવીશ.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
