Author: નોબત સમાચાર
જે તે રાજકીય પક્ષ ત્યારપછીની ચૂંટણીમાં બહુમતિ મેળવી શકયો નથી!
દિલ્હીના સીએમ પદે મહિલા
જામનગર તા. ૨૦: દિલ્હી વિધાનસભા અસ્તિત્વમાં આવી ત્યારથી અત્યાર સુધીમાં દિલ્હીના મુખ્યમંત્રીપદે ત્રણ મહિલાઓ રહી ચૂકયા છે. જેમાં ભારતીય જનતા પાર્ટીના સુશ્રી સુષ્મા સ્વરાજ, શ્રીમતી શીલા દિક્ષીત તથા છેલ્લે આતિશી મેડમ અને હવે દિલ્હી વિધાનસભામાં ભાજપે સ્પષ્ટ બહુમતિ પ્રાપ્ત કર્યા પછી મુખ્યમંત્રીપદ માટે રેખા ગુપ્તાની પસંદગી કરી છે અને આજે તેઓ પદભાર સંભાળી રહ્યા છે. રાજકીય ગણત્રીબાજોના એક તર્ક મુજબ જે રાજકીય પક્ષે બહુમતી મેળવ્યા પછી તેમના પતિમાંથી કોઈ મહિલાને સીએમ બનાવ્યા હોય તો તે રાજકીય પક્ષ ત્યારપછીની ચૂંટણીમાં દિલ્હી વિધાનસભામાં બહુમતિ કે સત્તા મેળવી શકયો નથી. પછી ભલે તે મહિલા સીએમ કે જે તે રાજકીય પક્ષે એક કે બે ટર્મ માટે સત્તા ભોગવી હોય... સુષ્મા સ્વરાજ પછી ભાજપ દિલ્હીમાં હાર્યુ. બે ટર્મ માટે કોંગ્રેસના શીલા દિક્ષીત રહ્યા અને ત્યારપછી ચૂંટણીમાં કોંગ્રેસ-ભાજપ હાર્યા અને આમ આદમી પાર્ટી સત્તા સ્થાને આવી. કેજરીવાલને રાજીનામું દેવું પડયું અને મહિલા સીએમ આતિશી આવ્યા અને ત્યારપછી આવેલી અર્થાત તાજેતરમાં જ યોજાયેલી ચૂંટણીમાં આમ આદમી પાર્ટીનો પણ પરાજય થયો. સત્તા ગુમાવી દીધી.
હવે ભાજપના રેખા ગુપ્તા સીએમ બન્યા છે. જોઈએ ૨૦૩૦માં કે તે અગાઉ જો દિલ્હી વિધાનસભાની ચૂંટણી યોજાય તો ભાજપ આ તર્કનું મેણુ ભાંગે છે કે કેમ.. ??
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
