Author: નોબત સમાચાર
જામનગરના પાપાલુઈસ પિત્ઝાનું ફૂડ શાખાએ ચેકીંગ કરી ફટકાર્યો રૂપિયા પાંચ હજારનો દંડ
ભોજનમાં વાળ અને મૃત મકોડો નીકળવાની ફરિયાદો પછી
જામનગર તા. ર૦: જામનગરમાં રણજીતસાગર માર્ગ પરના એક પીત્ઝા સેન્ટરમાં ખાદ્ય પદાર્થમાં વાળ જોવા મળ્યો હતો. ઉપરાંત અન્ય જીવાતની પણ ફરિયાદ મળતા મહાનગરપાલિકાની ફૂડ શાખાએ ચેકીંગ કર્યું હતું અને પિત્ઝા સંચાલકને જરૂરી સૂચનાત્મક નોટીસ આપી રૂ. પાંચ હજારનો દંડ કર્યો હતો.
જામનગરના રણજીતસાગર માર્ગે પાપાલુઈસ પિત્ઝા સેન્ટરમાં એક ગ્રાહક ભોજન માટે ગયા ત્યાં તેમને ભોજનમાં વાળ હોવાની ગ્રાહકે ફરિયાદ કરી હતી. ઉપરાંત અન્ય એક ખાદ્ય સામગ્રીમાં પણ મૃત મકોડાનું માથું હોવાની પણ ફરિયાદ કરી હતી. આથી જામનગર મહાનગરપાલિકાની ફૂડ શાખાની ટીમ તપાસ માટે દોડી ગઈ હતી.
પ્રાથમિક તપાસમાં વાળ કોરો હતો એટલે સ્પષ્ટ થયું ન હતું કે વાળ ખોરાકમાં જ હતો કે પછીથી તેમાં પડ્યો હતો. તેવી જ રીતે મૃત મકોડાનું માથુ ખોરાકમાં હોવાનું પણ સ્પષ્ટ થયું ન હતું.
આમ છતાં ફૂડ શાખાએ રસોડાની હાઈ જેનિક કન્ડીશન મેન્ટેઈન રાખવા સ્ટાફનું મેડિકલ કરાવી લેવા તેમજ પેસ્ટ કંટ્રોલ કરાવવા બાબતે નોટીસ આપી રૂ. પાંચ હજારની દંડનીય વસૂલાત કરી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
