Author: નોબત સમાચાર
કાલાવડ નજીક સર્જાયેલા અકસ્માતમાં બાલંભડીના ત્રણ યુવાનને થયા ફ્રેક્ચર
ગઈકાલના અકસ્માતની પોલીસમાં કરાઈ ફરિયાદઃ
જામનગર તા.૨૦ : કાલાવડના બાલંભડી ગામના ત્રણ યુવાન ગઈકાલે સવારે બાઈક પર કાલાવડ રોડ પરથી જતા હતા ત્યારે એક મોટરે બાઈકને ઠોકર મારી દેતાં ફ્રેક્ચર સહિતની ઈજા પામેલા ત્રણેય યુવાનને સારવારમાં ખસેડવામાં આવ્યા છે. ગઈકાલે સિક્કા પાટીયા પાસે સર્જાયેલા અકસ્માતમાં ખંભાળિયાના ધરમપુર ગામના દંપતીના મૃત્યુ નિપજ્યા હતા. તેમના પુત્રએ ડમ્પરના ચાલક સામે રાવ કરી છે.
કાલાવડ તાલુકાના બાલંભડી ગામમાં રહેતા રોહિત કનુભાઈ સાડમીયા અને તેમના નાનાભાઈ મેહુલ તથા મામાના દીકરા સાગર નામના ત્રણ યુવાન ગઈકાલે જીજે-૧૦-ઈડી ૫૯૩૨ નંબરના હીરો મોટર સાયકલ પર જતા હતા ત્યારે ફોરેસ્ટની વીડી પાસે અકસ્માત સર્જાયો હતો.
તેઓના બાઈકને ડીએલ-૮સી એનએ ૭૬૯૩ નંબરની મોટરના ચાલકે ઠોકર મારી દીધી હતી. બાઈક પરથી ફંગોળાયેલા રોહિતનો હાથ, પગ ભાંગી ગયા છે. તેના ભાઈ મેહુલને પગમાં ફ્રેક્ચર થયું છે. સાગરને પણ બંને પગમાં ફ્રેક્ચર સહિતની ઈજા થઈ છે. સારવારમાં ખસેડવામાં આવેલા રોહિતે કાલાવડ શહેર પોલીસ સ્ટેશનમાં ફરિયાદ નોંધાવી છે.
ખંભાળિયા તાલુકાના ધરમપુર ગામના ધરમશીભાઈ તથા તેમના પત્ની વનીતાબેન ગઈકાલે સવારે સાડા નવેક વાગ્યે જામનગરથી ધરમપુર જવા માટે જીજે-૧૦-બીએલ ૮૪૯૦ નંબરના બાઈકમાં જતા હતા ત્યારે સિક્કા પાટીયા નજીક જીજે-૧૦-ટીએક્સ ૯૪૨૯ નંબરના ડમ્પરે આ દંપતીને બાઈક સાથે હડફેટે લીધુ હતું. તેમના પરથી ડમ્પરના ટાયર ફરી વળતા ધરમશીભાઈ તથા વનીતાબેનના માથા છુંદાઈ ગયા હતા અને બંનેના મૃત્યુ નિપજ્યા હતા. આ અકસ્માત અંગે દેવેન્દ્ર ધરમશીભાઈએ મેઘપર પોલીસ સ્ટેશનમાં ડમ્પરના ચાલક સામે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
