Author: નોબત સમાચાર
જામનગરનો શ્રાવણી મેળો ચડ્યો ચકરાવેઃ ચકરડી-રેંકડી જપ્ત
યાંત્રિક રાઈડના લાયસન્સ અદ્ધરતાલઃ ગેરકાયદે ખડકાયેલી બે રાઈડ હટાવાઈ
જામનગર તા. ર૩: જામનગર મહાનગરપાલિકા દ્વારા આયોજીત શ્રાવણી મેળો ચકરાવે ચઢ્યો છે. બે રાઈડની ગેરકાયદે ખડકી દેવામાં આવતા તંત્રએ તેને દૂર કરવા સૂચના આપી છે, તો એસ્ટેટ શાખાએ કેટલીક ચકરડી, રેકડીઓ કબજે કરી હતી, જો કે હજુ સુધી પરફોર્મન્સ લાયસન્સ મળ્યા નહીં હોવાથી ૧૪ નાની-મોટી મનોરંજક રાઈડ શરૂ થઈ નથી, જ્યારે બાકી મેળો શરૂ થઈ ગયો છે. ઉપરાંત પાર્કિંગ મુદ્દો પણ ગાજી રહ્યો છે.
જામનગર મહાનગર પાલિકા દ્વારા પ્રદર્શન મેદાનમાં શ્રાવણી મેળાનું આયોજન થયું છે ને મેળો તા. ર૦ થી શરૂ કરવામાં આવનાર હતો, પરંતુ મશીન મનોરંજક રાઈડના પરફોર્મન્સ લાયસન્સ ઈસ્યુ નહીં થયા હોવાથી પૂર્ણ મેળો શરૂ થયો નથી.
ગઈકાલે મેયર, ચેરમેન, ડે. મેયર, કમિશનરે મેળાની મુલાકાત કરી હતી જ્યાં બે મોટી રાઈડ ગેરકાયદે ખડકી દેવાઈ હોવાથી તેને દૂર કરવા નોટીસ પાઠવાઈ છે, જો તે રાઈડ્સ દૂર નહીં થાય તો તેનું વીજ જોડાણ કાપી નાખવામાં આવશે. તેમ અધિકારીએ જણાવ્યું છે.
આ મેળા સમયે નાની-મોટી ૧૪ મનોરંજક રાઈડ છે. તેના પરફોર્મન્સ લાયસન્સ ઈસ્યુ થયા નથી. આથી તેને ચાલુ કરવામાં આવી નથી. આજે કદાચ લાયસન્સ ઈસ્યૂ થશે તેવી શક્યતા દર્શાવાઈ રહી છે.
દરમિયાન પ જેટલી નાની ચકરડી અને ચાર રેંકડીધારકે મેળામાં ગેરકાયદે કબજો જમાવ્યો હોવાથી મહાનગર પાલિકાએ તેને કબજે કરી હતી. આ ઉપરાંત પાર્કિંગ સ્થળ જ્યાં દર્શાવાયું છે ત્યાં પણ વાહન પાર્કિંગ થઈ શકે તે માટેના કોઈ ઠંકાણા નથી.
આ બાબતે અધિકારીઓ, પદાધિકારીઓ દ્વારા કોઈ ખુલાસો કરવામાં આવ્યો ન હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
