Author: નોબત સમાચાર
ભગવાન ઝુલેલાલની જન્મજયંતીની ઉજવણી નિમિત્તે વૈકલ્પિક રૂટ જાહેર કરાયો
જામનગર શહેરમાં આગામી તા. ૧૦ એપ્રિલના
જામનગર તા. ૬ઃ જામનગર શહેરમાં આગામી તા. ૧૦-૪-ર૪ ના સિંધી સમાજના ઈષ્ટદેવ ઝુલેલાલની જન્મજયંતી વહેલી સવારથી સમગ્ર સિંધી સમાજના દર્શનાર્થીઓ દર્શન કરવા મંદિરે આવતા હોય છે. તેમજ મંદિરમાં પ્રસાદ વિતરણ અને સાંસ્કૃતિક કાર્યક્રમોનું આયોજન કરાતું હોય છે. તહેવાર-ઉત્સવ દરમ્યાન દર્શનાર્થે આવતા બાળકો, વૃદ્ધ વડીલો તેમજ મહિલાઓ સહિતના લોકોને ટ્રાફિક સમસ્યાનો સામનો ન કરવો પડે તેમજ કાયદો અને વ્યવસ્થા જળવાઈ રહે તે હેતુસર તમામ પ્રકારના વાહનોના પ્રવેશ પર પ્રતિબંધ ફરમાવવાનો અનિવાર્ય બની રહે છે.
તેથી અધિક જિલ્લા મેજીસ્ટ્રેટ બી.એન.ખેર, જામનગર દ્વારા પ્રસિદ્ધ કરાયેલા જાહેરનામામાં જણાવવામાં આવ્યું છે કે, પોલીસ અધિનિયમ-૧૯પ૧ ની કલમ ૩૩(૧)(ખ) હેઠળ તેમને મળેલી સત્તાની રૃએ આગામી તા. ૧૦-૪-ર૪ ના સવારના પ કલાકથી ર૪ કલાક સુધી તમામ પ્રકારના વાહનો માટે જુના રેલવે સ્ટેશન, ગીતા લોજ પાસેથી ત્રણબત્તી ચોક સર્કલ સુધીનો રસ્તો બંધ રહેશે. તેમજ વૈકલ્પિક રૃટ તરીકે જુના રેલવે સ્ટેશનથી ગેલેકસી સિનેમા તરફ જવાનો ડાયવર્ઝન રૃટ કાર્યરત રહેશે.
ઉકત જાહેરનામું કામગીરીમાં રોકાયેલ સરકારી વાહનો, એમ્બ્યુલન્સ તથા ફાયર વિભાગના વાહનોને લાગુ પડશે નહીં. આ જાહેરનામું તાત્કાલીક અસરથી અમલમાં લાવવું જરૃરી હોય, ગુજરાત પોલીસ અધિનિયમ-૧૯પ૧ ની કલમ ૩૩(૬)ના પરંતુકની જોગવાઈ મુજબ તાત્કાલિક અસરથી અમલમાં લાવવામાં આવે છે. આ પ્રતિબંધાત્મક હુકમનો ભંગ કે ઉલ્લંઘન કરનારી વ્યક્તિ ગુજરાત પોલીસ અધિનિયમ-૧૯પ૧ની કલમ ૧૩૧ મુજબ શિક્ષાને પાત્ર થશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
