Author: નોબત સમાચાર
શાંતિનગરમાંથી મળી દારૂની આઠ બોટલઃ સીદસરમાં ઝડપાઈ પાંચ બોટલ
રાંદલનગરમાં મકાનમાંથી બીયરના ટીન કબજેઃ
જામનગર તા. ૬ઃ જામનગરના રાંદલનગરમાં એક મકાનમાંથી પોલીસે બીયરના છ ટીન પકડ્યા છે. જ્યારે શાંતિનગરમાંથી આઠ બોટલ દારૂ ઝડપાયો છે. જામજોધપુરના સીદસર ગામમાં મોટરમાંથી પોલીસે દારૃની પાંચ બોટલ કબજે કરી છે.
જામનગરના રાંદલનગર વિસ્તારમાં આવેલા મંદિર સામેની ગલીમાં એક શખ્સના મકાનમાં ગઈકાલે સાંજે હનુમાન ગેઈટ પોલીસચોકીના સ્ટાફે પૂર્વ બાતમીના આધારે દરોડો પાડ્યો હતો. ત્યાં આવેલા પૃથ્વીરાજસિંહ ચંદુભા જાડેજાના મકાનમાં તલાશી લેવાતા ત્યાંથી બીયરના છ ટીન મળી આવ્યા હતા. પોલીસે ટીન કબજે કર્યા છે. દરોડા પહેલાં નાસી ગયેલા પૃથ્વીરાજસિંહની શોધ હાથ ધરાઈ છે.
જામનગરના પટેલકોલોની વિસ્તારના છેવાડે આવેલા શાંતિનગરમાં રામદેવસિંહ અભેસિંહ જેઠવા નામના શખ્સના મકાનમાં પણ હનુમાન ગેઈટ પોલીસચોકીના સ્ટાફે દરોડો પાડતા ત્યાંથી ભારતીય બનાવટના અંગ્રેજી શરાબની આઠ બોટલ મળી આવી હતી. પોલીસે રામદેવસિંહની ધરપકડ કરી છે.
જામજોધપુર તાલુકાના સીદસર ગામમાં આવેલા મંદિર પાસેથી ગઈકાલે સાંજે જઈ રહેલા મૂળ ભાણવડના જામપર ગામના વતની અને હાલમાં જામજોધપુરમાં રહેતા રવિ વિનોદભાઈ વીરપરીયા નામના શખ્સની જીજે-૧૦-સીએન ૪૩૧૬ નંબરની મોટરને રોકાવી પોલીસે ચેક કરતા આ શખ્સના કબજામાંથી દારૃની પાંચ બોટલ મળી આવી હતી. આ બોટલ તેણે સીદસરના નરેન્દ્રસિંહ પ્રતાપસિંહ વાળા પાસેથી લીધી હોવાનંુ કબૂલ્યું છે. પોલીસે બોટલ, મોટર મળી રૂ.૧,૫૨,૫૦૦નો મુદ્દામાલ કબજે કર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
