Advertisement
Author: નોબત સમાચાર

મેઘપર ગામમાં એક મકાનમાંથી ઈંગ્લીશ દારૂની ૬૦ બોટલ સાથે બે શખ્સ ઝડપાયા

ગાગવા ધાર તથા ગાગવામાંથી પાંચ બોટલ સાથે બેની ધરપકડઃ

                                                                                                                                                                                                      

જામનગર તા. ૯: જામનગર નજીકના મેઘપર ગામમાં એક શખ્સના મકાનમાંથી પોલીસે ઈંગ્લીશ દારૂની ૬૦ બોટલ કબજે કરી બેની ધરપકડ કરી છે. ગાગવા ગામના પાટીયા પાસે બાઈકમાં જતા શખ્સ પાસેથી દારૂની બે બોટલ મળી છે. ગાગવા ધાર નજીક એક શખ્સના મકાનમાંથી ત્રણ બોટલ મળી આવી છે. ધ્રોલ પાસેથી પોલીસે એક પરપ્રાંતીયને બે બોટલ સાથે દબોચી લીધો છે.

જામનગર-ખંભાળિયા રોડ પર આવેલા મેઘપર ગામમાં એક શખ્સના મકાનમાં ઈંગ્લીશ દારૂનો જથ્થો પડ્યો હોવાની બાતમી પરથી ગઈકાલે સાંજે મેઘપર પોલીસ સ્ટેશનના સ્ટાફે ગિરીરાજસિંહ ભરતસિંહ પીંગળ ઉર્ફે ભા નામના શખ્સના મકાનમાં દરોડો પાડી તલાશી લીધી હતી. જેમાં ઈંગ્લીશ દારૂની ૬૦ બોટલ મળી આવી હતી. આ જથ્થા સાથે ગિરીરાજસિંહ તથા સીંગચ ગામના રાજેન્દ્રસિંહ વાઢેર નામના બે શખ્સની ધરપકડ કરાઈ છે. આરોપીઓએ દારૂનો આ જથ્થો જામનગરના કરણ ભણસાલીએ આપ્યાની કબૂલાત આપી છે.

ધ્રોલથી જામનગર વચ્ચેના હાઇવે પર આવેલી શિવશક્તિ હોટલ પાસેથી શનિવારે સાંજે પસાર થઈ રહેલા મૂળ મધ્યપ્રદેશના અલીરાજપુર જિલ્લાના વતની મુખી ગુજલા ભયડીયા નામના શખ્સને પેટ્રોલિંગમાં રહેલા પોલીસ સ્ટાફે શકના આધારે રોકાવી તેની તલાસી લેતા આ શખ્સ પાસેથી ભારતીય બનાવટના અંગ્રેજી શરાબની બે બોટલ મળી આવી હતી. પોલીસે બોટલ કબજે કરી મુખીની ધરપકડ કરી છે.

જામનગર-ખંભાળિયા રોડ પર ગાગવાધાર ગામમાં સરકારી શાળા નજીક વિક્રમ રમણીકભાઈ પરમાર નામના શખ્સના મકાનમાં પોલીસે દરોડો પાડી ઈંગ્લીશ દારૂની ત્રણ બોટલ કબજે કરી છે. જયારે ગાગવા ગામના પાટીયા પાસે રસીક હીરાભાઈ રાઠોડ નામના શખ્સને રોકી તેના જીજે-૧૦-ડીકયુ ૮૩૪૬ નંબરના બાઈકની મેઘપર પોલીસે તલાશી લેતા તેમાંથી દારૂની બે બોટલ મળી આવી હતી.

જામનગરના પંચેશ્વર ટાવર રોડ પરથી ગઈકાલે બપોરે વંડાફળીમાં રહેતો આશિષ નિમેશ દિલીપભાઈ પરમાર નામના શખ્સને દારૂની બોટલ સાથે પકડી લેવામાં આવ્યો છે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh