Author: નોબત સમાચાર
વ્યાજ ચૂકવવા વધુ નાણા વ્યાજ પર લેનાર કાલાવડના યુવાન ફસાઈ ગયાઃ બે સામે રાવ
એક વ્યાજખોરે ઉઘરાણી કરી ફડાકો ઝીંક્યોઃ
જામનગર તા. ૯: કાલાવડના એક યુવાને ત્રણેક વર્ષ પહેલા રૂ. ૩ લાખ આઠ ટકાના વ્યાજે લીધા પછી વ્યાજ ન ચૂકવાતા તેની ચૂકવણી માટે બીજા રૂપિયા આઠ ટકાના વ્યાજે લીધા હતા. આ શખ્સોને મૂળ રકમ કરતા છ ગણુ વ્યાજ ચૂકવ્યા પછી પણ ધમકી અપાતા અને એક શખ્સે ફડાકો ઝીંકતા આ યુવાને પોલીસમાં ફરિયાદ નોંધાવી છે.
કાલાવડ શહેરના અમીપીર પાર્કમાં રહેતા કાસીમભાઈ હબીબભાઈ સમા નામના સંધી યુવાને ત્રણેક વર્ષ પહેલાં પૈસાની જરૂર ઉભી થતા જામનગરના યાસીન અબ્દુલ સમા પાસેથી રૂ. ૩ લાખ દર મહિનાના આઠ ટકાના વ્યાજે લીધા પછી દર મહિને રૂ. રર હજાર લેખે વ્યાજની ચૂકવણી કરી હતી.
ત્યારપછી ફરીથી આર્થિક સંકળામણમાં આવી ગયેલા કાસીમભાઈએ વ્યાજની ચૂકવણી કરવા માટે જામનગરના રબાની પાર્કમાં રહેતા યુનુસ અબ્દુલ સમા પાસેથી રૂ. ૩ લાખ આઠ ટકાના વ્યાજે લીધા હતા. તે રકમમાંથી યાસીનને વ્યાજ ચૂકવવામાં આવ્યું હતું. તે દરમિયાન બંને વ્યાજખોરે વ્યાજની વસૂલાત માટે રૂ. ૩ લાખની રકમ લખાવી એક ચેક તથા રકમ લખ્યા વગરના સાત કોરા ચેક મેળવી લીધા હતા.
બંને શખ્સને મુદ્દલની છ ગણી રકમ ચૂકવી આપી હોવા છતાં યાસીન તથા યુનુસ સમા અવારનવાર વધુ વ્યાજની ઉઘરાણી કરી ગાળો ભાંડી કાલાવડમાં કાસીમભાઈના ઘેર આવી ટાંટીયા ભાંગી નાખવાની ધમકી આપતા હોવાથી કાસીમભાઈ કંટાળ્યા હતા. ત્યારે જ યુનુસ સમાએ ફડાકો ઝીંકી દેતા કાસીમભાઈએ કાલાવડ પોલીસ સ્ટેશનમાં બંને વ્યાજખોર સામે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
