Author: નોબત સમાચાર
ગાંજાના જથ્થાના પ્રકરણમાં ઝડપાયેલા આરોપી પૈકીના એકના જામીન મંજૂર
ચાર મહિના પહેલા નગરમાંથી પકડાયો હતો ગાંજોઃ
જામનગર તા. ૮ઃ જામનગરના ખોજાનાકા વિસ્તારમાંથી ચાર મહિના પહેલા એસઓજીએ ગાંજાનો જથ્થો પકડી પાડ્યો હતો. તે ગુન્હામાં કાલાવડના એક શખ્સની પણ ધરપકડ કરાઈ હતી. તે આરોપીએ જામીન મુક્ત થવા કરેલી અરજી અદાલતે ગ્રાહ્ય રાખી છે.
જામનગરના ખોજા નાકા વિસ્તારમાં આવેલી ઘાંચીની ખડકી પાસે ગઈ તા.૨૧ જુલાઈના દિને એસઓજીએ દરોડો પાડી એક મહિલાને ત્રણ કિલો ઉપરાંતના ગાંજાના જથ્થા સાથે પકડી પાડ્યા હતા. તે મહિલાની પૂછપરછમાં ખૂલ્યા મુજબ તે જથ્થો તેમના પુત્રએ કાલાવડના શખ્સ પાસેથી મેળવ્યો હતો.
તેની તપાસમાં ઈરજાન મામદભાઈ ફૈયમ ઉર્ફે ભૂરા નામના શખ્સની પણ ધરપકડ કરવામાં આવી હતી. બન્ને સામે એનડીપીએસ એક્ટ હેઠળ ગુન્હો નોંધાયો હતો. જેલહવાલે થયેલા આરોપી પૈકીના ઈરજાન મામદભાઈએ જામીનમુક્ત થવા જામનગરની એનડીપીએસની ખાસ અદાલતમાં અરજી કરી હતી. તે અરજી ચાલી જતાં અદાલતે આરોપીના વકીલ સાગર એસ. ડાંગરની દલીલો ગ્રાહ્ય રાખી આરોપીને જામીનમુક્ત કરવાનો હુકમ કર્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
