જામનગરમાં શૈક્ષણિક વર્ષ ર૦ર૪-રપ માટે વિદ્યાર્થીઓ પ્રવેશ મેળવવા અરજી કરી શકશે

Author: નોબત સમાચાર

જામનગરમાં શૈક્ષણિક વર્ષ ર૦ર૪-રપ માટે વિદ્યાર્થીઓ પ્રવેશ મેળવવા અરજી કરી શકશે

ગુજરાત કોમન એડમિશન સર્વિસીસ પોર્ટલની રચનાઃ

જામનગર તા. પઃ ગુજરાત સરકાર, શિક્ષણ વિભાગના તા. ૧૬-૩-ર૦ર૪ ના ઠરાવ અન્વયે સામર્થ્ય સંસ્થાન પ્રકલ્પ અંતર્ગત ઉચ્ચ શિક્ષણ કમિશનરની કચેરીના તાબા હેઠળની ૧૪ સરકારી યુનિવર્સિટી સંલગ્ન શૈક્ષણિક સંસ્થા/કોલેજોમાં વિનયન, વાણિજ્ય, વિજ્ઞાન એજ્યુકેશન, કાયદા તથા અન્ય વિદ્યા શાખામાં સ્નાતક, અનુસ્નાતક અને પીએચ.ડી. કક્ષાના અભ્યાસક્રમોમાં વિદ્યાર્થીઓના પ્રવેશ માટે ગુજરાત કોમન એડમિશન સર્વિસીસ પોર્ટલની રચના કરવામાં આવી છે.

જે અન્વયે આગામી શૈક્ષણિક વર્ષ ર૦ર૪-રપ થી ફરજિયાત જીસીએએસ પોર્ટલ મારફતે જ રેગ્યુલર તથા એક્સટર્નલ વિદ્યાર્થીઓના રજિસ્ટ્રેશન કરાવીને પોર્ટલ પર કરવાની થતી કામગીરીના તબક્કા મુજબ એડમિશન પ્રક્રિયા હાથ ધરવામાં આવશે. ગુજરાત બોર્ડ (જીએસએચએસઈબી) ધોરણ ૧ર ની પરીક્ષા પૂર્ણ થયા પછી ગત્ તારીખ ૧-૪-ર૦ર૪ થી પ્રવેશ પ્રક્રિયા શરૂ કરવામાં આવી છે. જેથી હાલમાં પ્રવેશ મેળવવા ઈચ્છુક તમામ વિદ્યાર્થીઓએ પ્રવેશ માટે જીસીએએસ પોર્ટલ પર અત્રે જણાવેલ લીંકમાં રજિસ્ટ્રેશન કરાવવાનું રહેશે તેમજ તેમાં બેઝીક માહિતી (પ્રોફાઈલ) સાથે પોતાને જે તે કોલેજમાં પસંદગીના કોર્ષમાં અભ્યાસ કરવો હોય, તો તે પસંદગી પૂર્ણ કરીને વિદ્યાર્થીઓએ ઓનલાઈન અરજી કરવાની રહેશે.

વિદ્યાર્થીઓની જાણ માટે ગુજરાત સરકાર, શિક્ષણ વિભાગના તા. ૧૬-૩-ર૦ર૪ ના ઠરાવો, ઉક્ત કોલેજની વેબસાઈટ પર મૂકવામાં આવ્યા છે તેમ આચાર્યશ્રી, ડી.કે.વી. આર્ટસ એન્ડ સાયન્સ કોલેજ, જામનગરની યાદીમાં જણાવાયું છે.

જો આપને આ પોસ્ટ ગમી હોય તો શેર કરો...