Author: નોબત સમાચાર
જામનગરના જેએમસી ગ્રાઉન્ડમાં યોજાશે રાજ્યકક્ષાનો 'પ્રાદેશિક સરસ મેળો'
તા. ૧૯ થી ર૮ ઓક્ટોબર દરમિયાન
જામનગર તા. ૧૮: સ્વસહાય જુથો દ્વારા ઉત્પાદિત વસ્તુઓને પ્રોત્સાહિત કરવા જામનગરમાં રાજય કક્ષાના 'પ્રાદેશિક સરસ મેળો' યોજાશે, જેમાં તા. ૧૯ થી ર૮ ઓકટોબર દરમિયાન જેએમસી ગ્રાઉન્ડમાં સ્વસહાય જુથો દ્વારા બનાવેલ ચીજવસ્તુઓનું પ્રદર્શન સાથે વેંચાણ કરવામાં આવશે.
ભારત સરકારના ગ્રામીણ વિકાસ મંત્રાલય તથા ગુજરાત સરકારના સંયુક્ત ઉપક્રમે ગ્રામીણ બી.પી.એલ. સ્વસહાય જુથો/સખી મંડળો/કારીગરો દ્વારા ઉત્પાદિત ચીજવસ્તુઓના સીધા વેંચાણ માટે પ્રોત્સાહન પૂરૂ પાડવા જામનગરમાં રાજ્ય કક્ષાનો પ્રાદેશિક સરસ મેળો યોજાશે.
તા. ૧૯-૧૦-ર૪ થી ર૮-૧૦-ર૪ સવારે ૧૦ વાગ્યાથી રાત્રિના ૧૦ વાગ્યા સુધી જેએમસી ગ્રાઉન્ડ, મહાવીર પાર્ક, શ્રીજી હોલની બાજુમાં, ઓશવાળ ૩, જામનગરમાં દિવાળીની ખરીદી માટે અવનવી વસ્તુઓનો મહાકુંભ અવા રાજ્ય કક્ષાના 'પ્રાદેશિક સરસ મેળા-ર૦ર૪'નું આયોજન હાથ ધરવામાં આવશે. જેમાં સરકારની દીનદયાળ અંત્યોદય યોજના રાષ્ટ્રીય ગ્રામીણ આજીવિકા મિશન અંતર્ગત રચાયેલ ગામડાના સ્વસહાય જુથોના સભ્યો એવા મહિલા અને કારીગરો દ્વારા રાજ્ય કક્ષાના મેળામાં તમામ જિલ્લાઓમાંથી સ્વસહાય જુથના મહિલા સભ્યો દ્વારા ઉત્પાદિત હેન્ડીક્રાફ્ટ, હેન્ડલૂમ, ફૂડ પ્રોડક્ટ, ઓર્ગેનિક, હર્બલ, ઈમીટેશ જ્વેલરી, આયુર્વેદિક પ્રોડક્ટ, અગરબતી, માટીકામ, પેચવર્ક, ડ્રેસ મટિરિયલ ઘર સુશોભન ચીજવસ્તુઓ, ફાસ્ટ ફૂડ, બેકરી પ્રોડક્ટ, અથાણા, પાપડ, ખાખરા જેવી હાથ બનાવટની સ્વસહાય જુથો દ્વારા ઉત્પાદિત ચીજ વસ્તુઓના પ્રદર્શન સાથે વેંચાણ કરાશે, જેથી આ મેળો અબાલવૃદ્ધ સૌ કોઈના આકર્ષણનું કેન્દ્ર બનશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
