Author: નોબત સમાચાર
કાલાવડના લક્ષ્મીપુર પાસે વાહન અકસ્માતમાં પરપ્રાંતિય મહિલાનું મૃત્યુ
રોડની કડમાં વ્હીલ આવતા સર્જાયો ગમખ્વાર અકસ્માતઃ
જામનગર તા. ૧૮: કાલાવડના નાની ભગેડી ગામમાં ખેતમજૂરી માટે આવીને રહેતા મૂળ મધ્યપ્રદેશના એક શ્રમિક રવિવારે પત્ની સાથે બાઈકમાં કાલાવડ આવતા હતા. ત્યારે લક્ષ્મીપુર ગામ પાસે રોડની કડમાં વ્હીલ આવી જતાં મોટરસાયકલ રોડ ઉતરી ગયું હતું. આ અકસ્માતમાં માથામાં ગંભીર ઈજા પામેલા શ્રમિકના પત્નીનું સારવાર દરમિયાન મૃત્યુ નિપજ્યું છે.
કાલાવડ તાલુકાના નાની ભગેડી ગામમાં આવેલા શામજીભાઈ પટેલ નામના ખેડૂતના ખેતરમાં મજૂરીકામ માટે આવીને રહેતા મૂળ મધ્ય પ્રદેશના ધાર જિલ્લાના કુંગશી તાલુકાના વતની સુનિલભાઈ પદમસિંગ જમરા નામના આદિવાસી શ્રમિક ગયા રવિવારે બપોરે ત્રણેક વાગ્યે પોતાના પત્ની અનિતાબેન (ઉ.વ.૨૭) સાથે મોટર સાયકલમાં કાલાવડ તરફ આવવા માટે નીકળ્યા હતા.
આ દંપતીનું બાઈક જ્યારે લક્ષ્મીપુર ગામની ગોળાઈમાં પહોંચ્યું ત્યારે રોડની કડમાં વ્હીલ આવી જતાં સુનિલભાઈએ કાબુ ગૂમાવ્યો હતો અને મોટરસાયકલ રોડ પરથી નીચે ઉતરી ગયું હતું.
આ વેળાએ પાછળ બેસેલા અનિતાબેન મોટરસાયકલ પરથી લપસી પડ્યા હતા. રોડ પર પછડાયેલા આ મહિલાને માથામાં પથ્થર વાગી ગયો હતો. લોહીલુહાણ હાલતમાં તેણીને સારવાર માટે દવાખાને ખસેડવામાં આવ્યા હતા જ્યાં ગઈકાલે તેમનું મૃત્યુ નિપજ્યું છે. પતિ સુનિલભાઈએ પોલીસને જાણ કરી છે. કાલાવડ ગ્રામ્ય પોલીસે અકસ્માતની નોંધ કરી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
