Author: નોબત સમાચાર
પ્રેમીને જેલ હવાલે કરાતા તરૂણીએ ટ્રેન હેઠળ ઝંપલાવી કરી આત્મહત્યા
કે.વી. રોડ પર ઝેરી દવા પી લેનાર સેલ્સમેનનું મૃત્યુઃ
જામનગર તા. ૧૮: જામનગરના કનસુમરા પાટીયા પાસે આવેલા રેલવે ફાટક પરથી ગઈકાલે બપોરે પસાર થયેલી ટ્રેન હેઠળ એક તરૂણીએ ઝંપલાવી લઈ આત્મહત્યા કરી છે. આ તરૂણી પોતાના પ્રિય પાત્ર સાથે નાસી ગઈ હતી. પોલીસે બંનેને પકડી લીધા પછી પ્રેમીને જેલહવાલે કર્યાે હતો. તેથી આ તરૂણીએ આત્મહત્યા કરી છે. જ્યારે કેવી રોડ પર ઝેરી દવા પી લેનાર સેલ્સમેનનું સારવારમાં મૃત્યુ થયું છે.
જામનગરના લાલપુર બાયપાસથી ખંભાળિયા બાયપાસ વચ્ચે આવેલા કનસુમરા ગામ પાસે સાંઢીયા પુલ નજીક વસવાટ કરતા એક તરૂણીએ ગઈકાલે બપોરે પોતાના ઘર પાસે આવેલા રેલવે ફાટક પાસે પહોંચી જઈ ત્યાંથી પસાર થતી ટ્રેનની રાહ જોયા પછી જ્યારે ટ્રેન પસાર થઈ ત્યારે તેની હેઠળ કૂદકો મારી લીધો હતો.
ટ્રેનના તોતિંગ પૈંડા હેઠળ ચગદાઈ ગયેલી સત્તરેક વર્ષની આ તરૂણીનું ઘટનાસ્થળે જ મૃત્યુ નિપજ્યું હતું. ત્યાં હાજર લોકો દોડી આવ્યા હતા. તેમાંથી કોઈએ પોલીસને જાણ કરતા પંચકોશી બી ડિવિઝન પોલીસ સ્ટેશનનો સ્ટાફ દોડી આવ્યો હતો. પોલીસે મૃતદેહને પી.એમ. માટે ખસેડી મૃતકના સગા સંબંધીઓની તપાસ કરતા આ તરૂણીના પિતાનો સંપર્ક થયો હતો. તેઓએ પુત્રીનો મૃતદેહ ઓળખી બતાવ્યો હતો.
પોલીસે તેણીના પિતાનું નિવેદન નોંધ્યું છે. જેમાં જણાવવામાં આવ્યા મુજબ તેમની પુત્રી ત્રણેક મહિના પહેલાં એક યુવક સાથે બંધાયેલા પ્રેમસંબંધના કારણે ઘરેથી નાસી ગઈ હતી. તે પછી તરૂણીના પિતાએ પોલીસમાં ફરિયાદ કરતા તે તરૂણી તથા યુવક મળી આવ્યા હતા. પોલીસે યુવકની ધરપકડ કરી જેલહવાલે કર્યાે હતો અને તરૂણી તેણીના પિતાના ઘેર હતી. પોતાના પ્રેમીને જેલમાં મોકલી અપાયો હોવાથી લાગી આવતા ગઈકાલે આ તરૂણીએ આત્મહત્યા કરી છે. પોલીસે નિવેદન નોંધી તેના પરથી તપાસ શરૂ કરી છે.
જામનગરના સરૂ સેક્શન રોડ પર આવેલા કુકડા કેન્દ્ર નજીક વસવાટ કરતા મનોજભાઈ શ્યામભાઈ રામાનંદી (ઉ.વ.૪૯) નામના સેલ્સમેને ગઈ તા.૮ની સાંજે પાંચેક વાગ્યે કાશી વિશ્વનાથ રોડ પર અકળ કારણથી ઝેરી દવા પી લીધી હતી. સારવાર માટે જી.જી. હોસ્પિટલમાં દાખલ કરવામાં આવેલા મનોજભાઈનું મૃત્યુ નિપજ્યું હતું. તેમના પુત્ર મિલનભાઈનું નિવેદન નોંધી પોલીસે તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
