Author: નોબત સમાચાર
અંડર-૧૪ ટુર્નામેન્ટમાં જામનગરની ટીમ તથા સિનિયર્સ ટુર્નામેન્ટમાં રાજકોટની ટીમ વિજેતા
જામનગરના ક્રિકેટ બંગલામાં ક્રિકેટ ટુર્નામેન્ટનું સમાપનઃ
જામનગર ડિસ્ટ્રીક્ટ સ્પોર્ટસ સેન્ટર તથા જામનગર ડિસ્ટ્રીક્ટ ક્રિકેટ એસોસિએશનના સંયુક્ત ઉપક્રમે ક્રિકેટ બંગલાના મેદાનમાં સ્વ. રાજેન્દ્રસિંહ જાડેજા કપ ટુર્નામેન્ટ (સિનિયર) તથા સ્વ. વામન જાની કપ ટુર્નામેન્ટ (અંડર-૧૪) યોજવામાં આવી હતી. જેમાં પાવન જાની કપ ટુર્નામેન્ટમાં જામનગરની અંડર-૧૪ ટીમ ચેમ્પિયન થઈ હતી. ગઈકાલે સ્વ. રાજેન્દ્રસિંહ જાડેજા કપ ટુર્નામેન્ટનો ફાઈનલ મેચ રાજકોટની ટીમ તથા જામનગરની ટીમ વચ્ચે રમાયો હતો. જેમાં રાજકોટની ટીમ વિજેતા થઈ હતી અને ચેમ્પિયન બની હતી. જ્યારે જામનગરની ટીમ રનર્સ અપ થઈ હતી. ફાઈનલ મેચ પૂર્ણ થયા પછી સમાપન-ઈનામ વિતરણ સમારોહ ધારાસભ્ય દિવ્યેશભાઈ અકબરીની અધ્યક્ષતામાં યોજાયો હતો. વિજેતા અને રનર્સઅપ ટીમોને ટ્રોફી, પુરસ્કાર તથા સારી રમતનું પ્રદર્શન કરનારા ખેલાડીઓને મોમેન્ટો, ઈનામ આપવામાં આવ્યા હતાં. આ પ્રસંગે જામનગરના પૂર્વ રણજી ખેલાડી ચંદ્રશેખર બક્ષી, કે.સી. મહેતા, અન્ય ક્રિકેટરો, તાલીમાર્થી ક્રિકેટ ખેલાડીઓ, વાલીઓ, વગેરે મોટી સંખ્યામાં ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
