Author: નોબત સમાચાર
દરેડ-મસીતિયા રોડ પર દુકાનમાંથી ઝડપાયું ગેસનું ગેરકાયદે રીફીલીંગ
બાટલા, સાધનો સહિતનો મુદ્દામાલ કબજેઃ
જામનગર તા. ૩૦: જામનગરના દરેડથી મસીતીયા વચ્ચેના રોડ પર એક દુકાનમાં રાંધણગેસના ભરેલા બાટલામાં થી ખાલી બાટલામાં કરાતું ગેરકાયદે રીફીલીંગ પોલીસે પકડી પાડ્યું છે. સ્થળ પરથી બે બાટલા સહિતનો મુદ્દામાલ કબજે કરી પોલીસે દુકાનદાર સામે ગુન્હો નોંધ્યો છે.
જામનગર નજીકના દરેડથી મસીતિયા રોડ પર એક દુકાનમાં રાંધણગેસના બાટલામાંથી ગેરકાયદેસર રીતે રીફીલીંગ કરાતું હોવાની બાતમી મળતા પંચકોશી બી ડિવિઝનના સ્ટાફે ગઈકાલે સાંજે ત્યાં આવેલી ઓસમાણ ઈસુબ ખફી ઉર્ફે ટીમુ નામના શખ્સની દુકાનમાં દરોડો પાડ્યો હતો.
તે દુકાનની તલાશી લેવાતા ત્યાંથી સેફ્ટીના સાધનો રાખ્યા વગર જ ભરેલા બાટલામાંથી ખાલી બાટલામાં ગેસનું રીફીલીંગ કરાતું હોવાનું જણાઈ આવ્યું હતું. પોલીસે સ્થળ પરથી ગેસના ખાલી-ભરેલા બે બાટલા, લોખંડની નોઝલ, રેગ્યુલેટર, ઈલેકટ્રીક મોટર સહિતનો સામાન કબજે કરી ઓસમાણ ખફી સામે બીએનએસની કલમ ૨૮૭ હેઠળ કાર્યવાહી કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
