Author: નોબત સમાચાર
ગોકુલનગર પાણાખાણમાં ગંજીપાના વડે તીનપત્તી રમતા ચાર મહિલા સહિત છ ઝબ્બે
નગરમાંં બે સ્થળેથી વર્લીનું બેટીંગ લેતાં બે પકડાયાઃ
જામનગર તા. ૧૬: જામનગરના ગોકુલનગર પાણાખાણમાં ગઈકાલે બપોરે ગંજીપાના વડે જુગાર રમતા ચાર મહિલા સહિત છ પકડાઈ ગયા હતા. જ્યારે કડિયાવાડ તેમજ સુમરા ચાલી તરફ જવાના રસ્તા પરથી બે શખ્સ વર્લીના આંકડા લખતા મળી આવ્યા છે. પોલીસે રોકડ સહિતનો મુદ્દામાલ કબજે કર્યાે છે.
જામનગરના ગોકુલનગર વિસ્તારમાં આવેલા પાણાખાણ પાસે ગઈકાલે બપોરે કેટલાક વ્યક્તિઓ જુગાર રમતા હોવાની બાતમી ઉદ્યોગનગર પોલીસચોકીના મયુરસિંહ, ધર્મેશ મોરીને મળતા પીએસઆઈ આર.ડી. ગોહિલને વાકેફ કરાયા પછી પીઆઈ જે.વી. ચૌધરીની સૂચનાથી સ્ટાફે દરોડો પાડ્યો હતો.
ત્યાં પાનની એક દુકાન નજીકની ગલીમાં જાહેરમાં તીનપત્તી રમતા જયોત્સનાબેન ભૂપતભાઈ ગુજરાતી, રસીલાબેન કિશોરભાઈ મકવાણા, સુનીતાબેન મોહનભાઈ મકવાણા, કાજલબેન રાજુભાઈ મકવાણા, સંજય કિશોરભાઈ મકવાણા, વિજય ભીખુભાઈ ઠકરાણી નામના છ વ્યક્તિ મળી આવ્યા હતા. પોલીસે પટમાંથી રૂ. ૨૦૫૦૦ રોકડા કબજે કરી જુગારધારાની કલમ ૧૨ હેઠળ ગુન્હો નોંધ્યો છે.
જામનગરના રણજીત સાગર રોડ પર આવેલી સાધના કોલોનીમાં રહેતો સુરેશ ધનજીભાઈ સોલંકી નામનો શખ્સ ગઈકાલે સુમરા ચાલી તરફ જવાના રસ્તા પર વર્લીના આંકડા લખતો હતો. પોલીસે તેને પકડી પાડી રૂ. ૧૦૧૩૦ રોકડા, વર્લીના આંકડા લખેલી ચિઠ્ઠી કબજે કરી છે. આ શખ્સે પોતાની પાસેથી કપાત લેતા હુસેન શેખનું નામ આપ્યું છે.
જામનગરના કડીયાવાડના ખૂણા પર ગઈકાલે જાહેરમાં વર્લીનું બેટીંગ લેતા મોતીલાલ મોહનલાલ સાપરીયા નામના વૃદ્ધને પોલીસે પકડી લઈ રૂ. ૩૯૦૦ ઝબ્બે લીધા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
