શ્રીમદ્ દયાનંદ કન્યા વિદ્યાલયના સ્થાપના દિને સાત બહેનને 'આર્યઆભા' સન્માન

Author: નોબત સમાચાર

શ્રીમદ્ દયાનંદ કન્યા વિદ્યાલયના સ્થાપના દિને સાત બહેનને 'આર્યઆભા' સન્માન

આર્યસમાજ- જામનગર સંચાલિત

જામનગર તા. ૧૬: આર્ય સમાજ જામનગર સંચાલિત શ્રીમદ્ દયાનંદ કન્યા વિદ્યાલયનો ૭૮મો સ્થાપના દિવસ ગુજરાત પ્રાંતીય આર્ય પ્રતિનિધિ સભાના મહામંત્રી, શ્રી બૃહદ સૌરાષ્ટ્ર આર્ય પ્રાદેશિક સભા અને આર્યસમાજ જામનગરના પ્રમુખ દિપકભાઈ ઠક્કરના અધ્યક્ષ સ્થાને ઉત્સાહપૂર્વક ઉજવવામાં આવ્યો હતો. આ માટે યોજાયેલા સમારોહમાં શાળાની અલગ-અલગ ક્ષેત્રમાં તેમનું નામ રોશન કરી રહેલા પૂર્વ વિદ્યાર્થીની બહેનો પૈકી સાત બહેનોનું 'આર્ય આભા' પુરસ્કારથી સન્માન કરવામાં આવ્યું હતું.

'આર્યઆભા' તરીકે ડો. સ્નેહાબેન વઢવાણા, શ્રદ્ધાબેન દવે, મીતાબેન ચગ, કૃપાબેન અંબારીયા, ધર્મિષ્ઠાબા ગોહિલ, આરતીબેન નાંઢાનું ઉપવસ્ત્ર, સન્માન પત્ર, શુભેચ્છા તેમજ પુસ્તક ભેટથી સન્માન કરવામાં આવ્યું હતું.

ઉપરોકત સન્માન આર્યસમાજ જામનગરના પ્રમુખ દિપકભાઈ ઠક્કર, ઉપપ્રમુખ ઉર્વશીબેન રાઠોડ, માનદ્મંત્રી નરેન્દ્રભાઈ મહેતા, ઉપમંત્રી ધવલભાઈ બરછા, કોષાધ્યક્ષ વિનોદરાય નાંઢા, પુસ્તકાધ્યક્ષ મનોજભાઈ નાંઢા, શ્રીમદ દયાનંદ કન્યા વિદ્યાલય માધ્યમિક વિભાગ, ઉચ્ચતર માધ્યમિક વિભાગના આચાર્યા પ્રફુલ્લાબેન રૂપડીયા અને પ્રાથમિક વિભાગના આચાર્યા સંગીતાબેન મોતીવરસ, કસ્તુરબા સ્ત્રી વિકાસ ગૃહના ટ્રસ્ટી કરશનભાઈ ડાંગર, શ્રી રતનબાઈ કન્યા વિદ્યાલય અને ગંગાજળા વિદ્યાપીઠ અલીયાબાડાના ટ્રસ્ટી દિલીપભાઈ આશર, જી.ડી.શાહ હાઈસ્કૂલના ટ્રસ્ટી જતીનભાઈ શાહ અને જામનગર જિલ્લા માધ્યમિક સંઘના પ્રમુખ મહેશભાઈ મુંગરાના વરદ હસ્તે કરવામાં આવ્યું હતું.

'આર્યઆભા' તરીકે પુરસ્કૃત ડો. નેહાબેન વઢવાણા અને ધર્મિષ્ઠાબા ગોહિલ દ્વારા તેમના પ્રતિભાવો વ્યકત કરવામાં આવ્યા હતાં.

સ્વાગત પ્રવચન અને સંસ્થા શાળાનો પરિચય આચાર્યા પ્રફુલ્લાબેન રૂપડીયા દ્વારા આપવામાં આવેલ. અધ્યક્ષીય ઉદ્બોધન આજની સભાના અધ્યક્ષ દિપકભાઈ ઠકકર દ્વારા આપવામાં આવેલ. તેમજ આભારદર્શન આર્યસમાજ જામનગરના ઉપપ્રમુખ ઉર્વશીબેન રાઠોડ દ્વારા કરવામાં આવ્યું હતું.

આ કાર્યક્રમમાં અંતરંગ સદસ્યો, ધીરજલાલ નાંઢા, ભરતભાઈ આશાવર, અરવિંદભાઈ મહેતા, હરીશભાઈ મહેતા, જયેશભાઈ મહેતા, પ્રભુલાલ જેઠાલાલ મહેતા, વિજયભાઈ ચૌહાણ, રામભાઈ બરછા, સતપાલજી આર્ય, વિશ્વસભાઈ ઠક્કર, આશાબેન ઠક્કર, જયશ્રીબેન મહેતા, સુનીતાબેન ખન્ના, સભાસદો, શ્રીમદ્ દયાનંદ કન્યા વિદ્યાલયનો સમગ્ર શિક્ષકગણ, વિદ્યાર્થીઓ, કર્મચારીઓ અને સેવક ભાઈ બહેનો ઉપસ્થિત રહ્યા હતાં. ઉપરોકત કાર્યક્રમ આર્યસમાજ જામનગરના પ્રમુખ દિપકભાઈ ઠક્કર અને માનદ્ મંત્રી નરેન્દ્રભાઈ મહેતા અને પ્રફુલ્લાબેન રૂપડીયાના માર્ગદર્શન હેઠળ સંપન્ન કરવામાં આવ્યો હતો.

જો આપને આ પોસ્ટ ગમી હોય તો શેર કરો...