Author: નોબત સમાચાર
ખંભાળિયા, સલાયા, ભાણવડમાંથી ઝડપાયેલા દારૂના જથ્થાનો કરાયો નાશ
રૂ. ૬ લાખ ઉપરાંતની ૧૭૭૧ બોટલ પર બુલડોઝર ફર્યું:
જામનગર તા. ૧૬: ખંભાળિયા તેમજ ભાણવડ અને સલાયા પોલીસ મથક દ્વારા જુદા જુદા ગુન્હામાં અને જુદા જુદા સમયે કબજે કરવામાં આવેલી રૂ. ૬,૧૯,૫૪૦ની કિંમતની ભારતીય બનાવટના અંગ્રેજી શરાબની ૧૭૭૧ બોટલનો ગઈકાલે પોલીસ તથા વહીવટીતંત્રના અધિકારીની ઉપ્સ્થિતિમાં નાશ કરાયો હતો.
દેવભૂમિ દ્વારકા જિલ્લાના ખંભાળિયા તેમજ ભાણવડ અને સલાયા પોલીસ મથક દ્વારા જુદા જુદા ગુન્હાઓમાં કબજે કરવામાં આવેલા દારૂના જથ્થાનો ગઈકાલે ખંભાળિયામાં જિલ્લા સેવા સદન પાછળ ખુલ્લા મેદાનમાં નાશ કરાયો હતો.
ખંભાળિયા પોલીસ મથકમાં જુદા જુદા ગુન્હામાં રૂ. ૩,૬૯,૫૦૦ની કિંમતની દારૂની નાની મોટી ૯૮૨ બોટલ કબજે કરીને રાખવામાં આવી હતી. જ્યારે ભાણવડ પોલીસ મથકમાં રૂ. ૨,૧૦,૨૦૦ની કિમતની ૬૪૩ બોટલ અને સલાયા મરીન પોલીસ મથકમાં રૂ. ૩૯,૮૪૦ની ૧૫૬ બોટલ કબજે કરીને રાખવામાં આવી હતી. તે જથ્થાના નાશ માટે એસપી નિતેશ પાંડેયની સૂચનાથી કાયદાકીય કાર્યવાહી શરૂ કરાયા પછી જથ્થાના નાશ માટે મંજૂરી મળતા ગઈકાલે પોલીસ તથા વહીવટીતંત્રના અધિકારીની ઉપસ્થિતિમાં કુલ રૂ. ૬,૧૯,૫૪૦ની કિંમતની ૧૭૭૧ બોટલનો નાશ કરવામાં આવ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
