Author: નોબત સમાચાર
જામનગરના આસામીના જીએસટી નંબર મેળવી ૩૭ કરોડના બીલ બનાવાયાઃ છેતરપિંડીનો ગુન્હો
ભાગીદારીમાં ધંધો શરૂ કરીશું તેમ કહી માયાજાળ પાથરી હતીઃ
જામનગર તા.૨૦ : જામનગરના એક કારખાનેદારે પોતાના પિતરાઈ સાથે ભાગીદારીમાં શરૂ કરેલુ કારખાનુ બંધ કર્યા પછી દોઢેક વર્ષ પહેલાં ભટકી ગયેલા ભાવનગરના શખ્સે ભાગીદારીમાં કારખાનુ ફરીથી શરૂ કરવાની વાતો કરી નગરના આસામીના જીએસટી નંબર, બેંક ખાતાની ડીટેઈલ, એટીએમ વગેરે મેળવી છેલ્લા એકાદ વર્ષમાં રૂ.૩૭ કરોડના બીલ બનાવી નગરના આસામીના જીએસટી નંબરનો ઉપયોગ કરતા મામલો આખરે પોલીસ મથકે પહોંચ્યો છે.
જામનગરના હરિયા કોલેજ રોડ પર આવેલા કૈલાસનગર સ્થિત દ્વારકેશ એપાર્ટમેન્ટમાં રહેતા અને હાલમાં ડ્રાઈવીંગનંુ કામ કરતા મીત રસીકભાઈ ગડારા નામના યુવાનને દોઢેક વર્ષ પહેલાં ભાવનગરમાં નૂરી ચોકડી પાસે વસવાટ કરતા હનીફ શેખ નામના શખ્સનો પરિચય થયો હતો.
થોડા વર્ષ પહેલા મીત ગડારાએ પોતાના પિતરાઈ સાથે મળી દરેડ જીઆઈડીસી ફેસ-રમાં સી/૧/૨૬૭માં એપેક્ષ ઈન્ડસ્ટ્રીઝ નામનુું કારખાનુ શરૂ કર્યું હતું. તે પછી મીતે પોતાના કારખાના માટે જીએસટી નંબર મેળવ્યા હતા.
તે કારખાનાને શરૂ કરવામાં આવ્યા પછી ધંધો બરાબર ન ચાલતા મનદુખ થવાથી બંને પિતરાઈ છૂટા પડી ગયા હતા અને કારખાનુ બંધ કરી દેવામાં આવ્યું હતું. તેની સાથે જીએસટી નંબર ચાલુ રહેવા પામ્યા હતા.
તે દરમિયાન દોેઢેક વર્ષ પહેલાં ભાવનગરના હનીફ શેખનો પરિચય થયો હતો. જેમાં બ્રાસનો વ્યવસાય શરૂ કરવા અને ભાગીદારી ઉભી કરવા માટે બંને વચ્ચે વાતચીત થતાં મીતે પોતાના બેંક અને જીએસટીને લગતા તમામ કાગળો હનીફને સોંપ્યા હતા.
તે વાતને ત્રણેક મહિના વીત્યા પછી પણ હનીફ શેેખે ધંધો ચાલુ કરવા જવાબ આપ્યો ન હતો તેથી મીતે ધંધો શરૂ કરવા માટે ઉત્સાહ દર્શાવતા હાલમાં મંદી છે, સમય આવ્યે કારખાનુ શરૂ કરીશું તેમ હનીફે જણાવ્યું હતું. ત્યારપછી છ મહિના વિત્યા હતા અને મીતે ફરીથી ફોન કર્યાે હતો તે પછી હનીફનો ફોન સ્વિચ ઓફ થઈ ગયો હતો. તેથી વહેમાયેલા મીત ગડારાએ પોતાના બેંક એકાઉન્ટમાં તપાસ કરાવતા તેઓની જાણ બહાર છેલ્લા એકાદ વર્ષમાં હનીફ શેખે રૂ.૩૭ કરોડના બીલ બનાવી તેમના જીએસટી નંબરનો ઉપયોગ કરી લીધાની વિગત મળી હતી. આથી મીતે ગઈકાલે પંચકોશી બી ડિવિઝન પોલીસ સ્ટેશનમાં ભાવનગરના હનીફ શેખ સામે ફરિયાદ નોંધાવી છે. પોલીસે છેતરપિંડી આચરવા અંગેનો ગુન્હો નોંધી આરોપીના સગડ દબાવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
