Author: નોબત સમાચાર
બદલાઈ ગયેલા સ્કૂટર પરત અપાવતું દ્વારકાનું કમાન્ડ એન્ડ કંટ્રોલ સેન્ટર
મંદિરની બહારથી સ્કૂટરની થઈ ગઈ અદલાબદલીઃ
ખંભાળિયા તા. ૨૭: ખંભાળિયાના એક આસામીએ પોતાનું એક્ટિવા મંદિરની બહાર રાખ્યા પછી તેની બાજુમાં જ સ્કૂટર રાખનાર વ્યક્તિએ ભૂલથી પોતાના સ્કૂટરને બદલે બીજાનું સ્કૂટર ચાલુ કરીને હંકારી મુકતા પોલીસનો સંપર્ક કરાયો હતો. કમાન્ડ એન્ડ કંટ્રોલ સેન્ટરના કર્મચારીઓએ તે સ્કૂટર પરત અપાવ્યું છે.
ખંભાળિયાના હરસિદ્ધિ નગરમાં રહેતા પ્રિતેશ વિનુભાઈ નામના આસામી પોતાના એક્ટિવામાં મિલન ચાર રસ્તા પાસે મંદિરે દર્શન કરવા આવ્યા ત્યારે તેઓએ પોતાનું વાહન બહાર પાર્ક કર્યું હતું.
ત્યારપછી મંદિરેથી પરત આવેલા પ્રિતેશભાઈએ પોતાનું વાહન નહીં જોતા ટ્રાફિકના પીએસઆઈ વી.એમ. સોલંકીને જણાવ્યું હતું. પીએસઆઈ સોલંકીએ વાહનનો નંબર મેળવી દેવભૂમિ દ્વારકા પોલીસના કમાન્ડ એન્ડ કંટ્રોલ સેન્ટરનો સંપર્ક કર્યાે હતો.
તે પછી જુદા જુદા સીસીટીવી કેમેરા ચકાસવામાં આવતા તેમાં એક આસામી સ્કૂટર પર જતા જોવા મળ્યા હતા. તેઓને શોધવામાં આવતા મળી આવેલા આ આસામીએ પોતાના જ સ્કૂટર જેવા પ્રિતેશભાઈના સ્કૂટરમાં ચાવી લગાડી ભૂલથી તે સ્કૂટર હંકારી લીધાનું ખૂલ્યું હતું. તે સ્કૂટર પરત મેળવી ટ્રાફિક શાખાએ તેના મૂળ માલિકને સોંપી આપ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
