ઈંગ્લીશ દારૂની નાની મોટી અગિયાર બોટલ સાથે શખ્સની કરાઈ ધરપકડ

Author: નોબત સમાચાર

ઈંગ્લીશ દારૂની નાની મોટી અગિયાર બોટલ સાથે શખ્સની કરાઈ ધરપકડ

દેશી દારૂ પકડવા પોલીસના દરોડાઃ

જામનગર તા. ૨૭: જામનગરના જોગવડ પાસે રહેતા એક શખ્સને પોલીસે અંગ્રેજી શરાબની નાની મોટી ૧૬ બોટલ સાથે પકડી પાડ્યો છે. જ્યારે જોગવડ, કાનાછીકારી, નાની લાખાણી, સૂર્યપરા, કાનાલુસમાં તથા કાલાવડના મકાજી મેઘપરમાં દેશી દારૂ પકડવા પોલીસે દરોડા પાડ્યા છે.

જામનગર-ખંભાળિયા માર્ગ પર આવેલા ગ્રીનવિલા પાસેથી શનિવારે સવારે પસાર થઈ રહેલા જોગવડ નજીકની રાણીશીપ પાસે આરાધના ગેસ નજીક રહેતા દેવાંગ પ્રદ્યુમનભાઈ દવે નામના શખ્સને રોકાવી સિક્કા પોલીસે ચેક કરતા તેના કબજામાંથી અંગ્રેજી શરાબની પાંચ મોટી તથા છ નાની બોટલ મળી આવી હતી. પોલીસે બોટલ તથા રૂ. ૨૦ હજારનો મોબાઈલ કબજે કરી દેવાંગની ધરપકડ કરી છે.

જામનગરના દિગ્જામ વુલન મીલ રોડ પર ખેતીવાડી નજીક કોમલનગરના ઢાળીયા પાસેથી ગઈકાલે સવારે જઈ રહેલા મનોજ બાબુભાઈ સિંહોરા નામના શખ્સના જીજે-૧૦-ડીએમ ૪૮૦૯ નંબરના બાઈકને એલસીબીના મયુદ્દીન સૈયદ, અરજણભાઈએ રોકી ચેક કરતા તેના કબજામાંથી ૨૦ લીટર દેશી દારૂ મળી આવ્યો હતો. મનોજે તે જથ્થો કાદર નામના શખ્સ પાસેથી લીધાની કબૂલાત આપી છે.

લાલપુર તાલુકાના કાનાલુસમાં કેશા વીકાભાઈ રાજાણી નામના શખ્સના ઝૂંપડામાંથી પોલીસે ૧૭ લીટર આથો કબજે લીધો છે.

કાલાવડના મકાજી મેઘપર ગામમાં ગંગાબેન કેશુુરભાઈ સાડમીયા નામના મહિલાના મકાનમાંથી ૧૫ લીટર આથો પકડી લેવાયો છે.

જામનગર તાલુકાના સૂર્યપરા ગામમાં જહુબેન કેશુભાઈ સાડમીયા નામના મહિલાના ઝૂંપડામાંથી દેશી દારૂની ભઠ્ઠી મળી આવી છે. ત્યાંથી દારૂ, આથો, ભઠ્ઠીના સાધનો કબજે કરાયા છે.

જોગવડ ગામમાં તળાવ નેસ પાસે કલ્યાણ રામરાજ ચારણના ઝૂંપડામાંથી ૧૫ લીટર આથો મળ્યો છે.

જામનગરના નાનીલાખાણી ગામમાં રાજેન્દ્રસિંહ મહિપતસિંહ જાડેજા નામના શખ્સના મકાનમાંથી ભઠ્ઠી મળી આવી છે. દારૂ, આથો, સાધનો ઝબ્બે લેવાયા છે.

લાલપુરના કાનાછીકારી ગામમાં દેવશ્રીબેન વાલરાજ ગુજરીયા નામના મહિલાના મકાનમાંથી ૧૫ લીટર આથો પકડાઈ ગયો છે. જોગવડના પાટીયા પાસે નાગદેવ ગંગરાજ ગાંગાણી નામના શખ્સના મકાનમાંથી પણ ૧૫ લીટર આથો પોલીસે કબજે કર્યાે છે.

જો આપને આ પોસ્ટ ગમી હોય તો શેર કરો...