વૃંદાવનમાં ૩૦મી મે થી શ્રીમદ્ ભાગવત કથા સાથે યમુનાજીને બે ચુંદડી મનોરથ યોજાશે

Author: નોબત સમાચાર

વૃંદાવનમાં ૩૦મી મે થી શ્રીમદ્ ભાગવત કથા સાથે યમુનાજીને બે ચુંદડી મનોરથ યોજાશે

ઓખા લોહાણા મહાજન દ્વારા યાત્રા-પ્રવાસનું આયોજન

ઓખા તા. ર૭: ઓખા લોહાણા મહાજન દ્વારા વૃંદાવન યાત્રા પ્રવાસનું આયોજન કરાયું છે. વૃંદાવનમાં તા. ૩૦-મે ના શ્રીમદ્ ભાગવદ્ કથા જ્ઞાનયજ્ઞ પ્રારંભ થશે. યમુનાજીને બે ભવ્ય ચુંદડી મનોરથ યોજાશે.

ઓખા લોહાણા મહાજન દ્વારા વૃંદાવન યાત્રા પ્રવાસનું આયોજન કરાયું છે. વૃંદાવનમાં તા. ૩૦-મે ના શ્રીમદ્ ભાગવત કથા જ્ઞાન યજ્ઞનો પ્રારંભ થશે. જેમાં શ્રીમદ્ ભાગવત સપ્તાહ જ્ઞાનયજ્ઞમાં દ્વારકાના શાસ્ત્રી ચેતનભાઈ સાતા કથાનું રસપાન કરાવશે.

કથાના મુખ્ય યજમાન પદે ઓખા નિવાસી હાલ રાજકોટ સ્વ. વિનોદરાય તુલસીદાસ જટણીયા તથા સ્વ. વિણાબેન વિનોદરાય જટણીયા પરિવાર રહેશે.

કથાના પાવન પ્રસંગે નૃસિંહ પ્રાગટ્ય, વામન પ્રાગટ્ય, રામજન્મોત્સવ, કૃષ્ણ જન્મોત્સવ, મનોરથ, ગોવર્ધન ઉત્સવ, રૂક્ષ્મણી વિવાહ જેવા વિવિધ ઉત્સવો ઉજવાશે.

વૃંદાવનમાં શોભાયાત્રા વાજતે-ગાજતે બંગલાઘાટથી વિશ્રામઘાટ સુધી યોજાશે. જેના યજમાન રાજેશ વી. જટણીયા, પ્રતિક વી. જટણીયા રહેશે.

આ યાત્રા પ્રવાસમાં ઓખા, મીઠાપુર, દ્વારકા, જામનગર, રાજકોટ સહિતના રપ૦ થી વધુ રઘુવંશી સમાજના સિનિયર સિટીઝન સહિતના લોકો યાત્રામાં સામેલ થશે.

વૃંદાવનમાં લોહાણા મહાજન દ્વારા ભાગવત કથા દરમિયાન બે વખત ચુંદડી મનોરથનું આયોજન કરવામાં આવ્યું છે. જેમાં તા. ૩૦-પ-ર૦ર૪ ના કાંતિલાલ લક્ષ્મીદાસ પંચમતીયા પરિવાર દ્વારા અને તા. ૩-૬-ર૦ર૪ ના રાજેશ જટણીયા અને પ્રતિક જટણીયા પરિવાર દ્વારા રાખવામાં આવ્યું છે. તેમ આયોજકોએ જણાવ્યું છે.

જો આપને આ પોસ્ટ ગમી હોય તો શેર કરો...