Author: નોબત સમાચાર
લોકસાહિત્યકાર રાજભા ગઢવી અને ધારાસભ્ય પબુભા માણેકે આપ્યો સ્વચ્છતાનો સંદેશઃ ઝાંઝરી ગ્રુપનો ઝંકાર
શિવરાજ૫ુર બીચ પર ઉજવાયું પર્યટન પર્વઃ
ખંભાળિયા તા. ૩૦: દેવભૂમિ દ્વારકા જિલ્લાના શિવરાજપુર બીચમાં પર્યટન પર્વ ર૦ર૪ કાર્યક્રમ યોજાયો હતો, જે લોકસાહિત્યકાર રાજભા ગઢવીના સાહિત્ય રસ સાથે ધારાસભ્ય પબુભા માણેકે સ્વચ્છતાનો સંદશ આપ્યો હતો.
ગુજરાત સરકારના રમતગમત અને સાંસ્કૃતિક પ્રવૃત્તિઓ ગાંધીનગર તથા કમિશનરશ્રી યુવક સેવા અને સાંસ્કૃતિક પ્રવૃત્તિઓ, ગાંધીનગર તેમજ જિલ્લા વહીવટી તંત્ર, દેવભૂમિ દ્વારકાના સંયુક્ત ઉપક્રમે દ્વારકા તાલુકાના શિવરાજપુર બીચ પર મહાનુભાવોની પ્રેરક ઉપસ્થિતિમાં ભવ્ય પર્યટન પર્વ સાંસ્કૃતિક કાર્યક્રમ યોજાયો હતો.
પર્યટન પર્વ નિમિત્તે પ્રાસંગિક ઉદ્બોધન કરતા ધારાસભ્ય પબુભા માણેકે જણાવ્યું હતું કે ભારતની ભૂમિ ઉત્સવપ્રિય ભૂમિ છે. વડાપ્રધાન નરેન્દ્રભાઈ મોદીના દિશા નિર્દશનમાં મુખ્યમંત્રી ભૂપેન્દ્રભાઈ પટેલ નેતૃત્વમાં પ્રવાસન ધામો ખૂબ જ વિકાસ કર્યો છે. દ્વારકાની પાવન ભૂમિના વિકાસ માટે રાજ્ય સરકાર સતત પ્રયત્નશીલ છે.
આ તકે ધારાસભ્યએ વધુમાં જણાવ્યું હતું કે, સરકાર દ્વારા પ્રવાસન સ્થળોનો વિકાસ કરીને ના માત્ર સંસ્કૃતિના મહત્ત્વને ઉજાગર કરી નથી પણ નાના તથા મધ્યમ વર્ગિય નાગરિકો માટે આજીવિકા પણ પૂરી પાડી છે. બ્લુ ફ્લેટ બીચ શિવરાજપુરમાં બહોળી સંખ્યામાં પ્રવાસીઓ આવી રહ્યા છે, તો મારી સૌ નાગરિકો તથા પ્રવાસીઓને અનુરોધ છે કે આપણે સ્વચ્છતા જાળવીએ તેમજ અન્યોને પણ પ્રેરિત કરીએ.
પર્યટન પર્વ નિમિત્તે ઝાંઝરી ગ્રુપ દ્વારા ભવ્ય્ સાંસ્કૃતિક કૃતિ રજૂ કરવામાં આવી હતી, તેમજ લોકસાહિત્યકાર રાજભા ગઢવી દ્વારા લોકડાયરાના સૂર લહેરાવીને સમગ્ર વાતાવરણને સંસ્કૃતિમય કરી દીધું હતું. કાર્યક્રમમાં સ્વાગત પ્રવચન જિલ્લા યુવા વિકાસ અધિકારી પરબતભાઈ હાથલિયા દ્વારા કરવામાં આવ્યું હતું.
આ તકે પ્રાંત અધિકારી અમોલ અવતે, સામાજિક અગ્રણી લુણાભા સુમણિયા, જગાભાઈ ચાવડા, ખેરાજભા કેર, મોહનભાઈ બારાઈ તેમજ વિવિધ વિભાગના અધિકારીઓ તથા બહોળી સંખ્યામાં નાગરિકોએ ભવ્ય કાર્યક્રમ નિહાળ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
