Author: નોબત સમાચાર
લાલપુર-જોડિયા તાલુકાના ૧૪૦ ખેડૂતોનો પ્રેરણા પ્રવાસ
વિકાસ સપ્તાહ અંતર્ગત આત્મા પ્રોજેકટ હેઠળ
જામનગર તા. ૩૦: વિકાસ સપ્તાહ અંતર્ગત આત્મા પ્રોજેકટ જામનગર દ્વારા લાલપુર-જોડિયા તાલુકાના ખેડૂતોનો પ્રેરણા પ્રવાસ યોજવામાં આવ્યો હતો, જેમા અંદાજિત ૧૪૦ જેટલા ખેડૂતોએ પ્રાકૃતિક કૃષિના ફાયદા વિશે માહિતી મેળવી હતી.
વિકાસ સપ્તાહ અંતર્ગત આત્મા પ્રોજેકટ જામનગર ઠેબા ગામે અક્ષર બ્રહ્મ પ્રાકૃતિક કૃષિ મેડલ ફાર્મમાં લાલપુર અને જોડિયા તાલુકાના ખેડૂતોને પ્રેરણા યોજવામાં આવ્યો હતો. જેમાં જામનગર જિલ્લાના પ્રોજેકટ ડાયરેકટર કેતન ઠક્કર દ્વારા પ્રાકૃતિક ખેતી અને રાસાયણિક ખેતી વચ્ચેનો તફાવત સમજાવી અને પ્રાકૃતિક ખેતીમાં આવતા પ્રશ્નોનું નિરાકરણ આપી ખેડૂતોને પ્રાકૃતિક ખેતીમાં આવતા પ્રશ્નોનું નિરાકરણ આપી ખેડૂતોને પ્રાકૃતિક ખેતીથી માહિતગાર કરવામાં આવ્યા હતાં. જામનગર જિલ્લાના આત્મા પ્રોજેકટના ડેપ્યુટી પ્રોજેકટ ડાયરેકટર જીજ્ઞેશ બી. પટેલ દ્વારા પ્રાકૃતિક ખેતીના સિદ્ધાંતો સમજાવી તેનાથી તથા ફાયદા વિશે માહિતગાર કરવામાં આવ્યા હતાં. આ તકે અક્ષર બ્રહ્મ પ્રાકૃતિક કૃષિ મોડેલ ફાર્મના સંચાલક દિલીપભાઈ સંઘાણી દ્વારા પ્રાકૃતિક કૃષિના બધા આયામો વિષે ઉંડાણપૂર્વક ખેડૂતોને સમજાવવામાં આવ્યા હતાં.
આ કાર્યક્રમમાં અંદાજીત ૧૪૦ જેવા ખેડૂતો હાજર રહ્યા હતાં. કાર્યક્રમના અંતે હાજર રહેલ સૌ અધિકારીઓ અને ખેડૂતો દ્વારા વિકાસ શપથ લેવામાં આવ્યા હતાં. આ સમગ્ર કાર્યક્રમનું સંચાલન બ્લોક ટેનોલોજી મેનેજર આશિષ સંઘાણી દ્વારા કરવામાં આવ્યું હતું. આ તકે નિરાલી સંઘાણી, નીલેશ ફળદુ અને જે.એમ. મિયાત્રા, ગ્રામસેવક ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
