Author: નોબત સમાચાર
રવિવારની રાત સુધીમાં 'રેમાલ' ધારણ કરશે રૌદ્ર સ્વરૂપઃ ભારે વરસાદની આગાહી
પ. બંગાળ, બાંગલાદેશ, ઓડિસાને થશે અસરઃ
નવી દિલ્હી તા. રપઃ બંગાળની ખાડીમાં સાર્જાયેલું તોફાન 'રેમાલ' રવિવારની રાત સુધીમાં રૌદ્ર સ્વરૂપ ધારત કરીને પ. બંગાળ, બાંગલાદેશ તથા ઓડિસામાં તબાહી મચાવી શકે છે. આ સાથે ભારે વરસાદની પણ આગાહી થઈ છે.
હવામાન વિભાગના જણાવ્યા અનુસાર ચોમાસા પહેલા બંગાળની ખાડીમાં સર્જાયેલું આ પહેલુ તોફાન છે, જેને 'રેમાલ' નામ આપવામાં આવ્યું છે. હવામાન વિભાગનું કહેવું છે કે, સાંજ સુધીમાં તે ચક્રવાતી વાવાઝોડામાં ફેરવાઈ જશે અને રવિવારની મધ્યરાત્રિ સુધીમાં તે રૌદ્ર સ્વરૂપ ધારણ કરીને પૂર્વ મધ્ય બંગાળની ખાડીમાં, સાગર દ્વીપ (પશ્ચિમ બંગાળ) થી લગભગ ૩૮૦ કિ.મી. દક્ષિણ-પૂર્વમાં અને ખેપુપર (બાંગલાદેશ) થી ૪૯૦ કિ.મી. દક્ષિણમાં બનેલું ડિપ્રેશન એ જ પ્રદેશમાં ડીપ ડિપ્રેશન બની ગયું છે. તે રપ જૂનની સાંજ સુધીમાં ચક્રવાતી વાવાઝોડામાં ફેરવાઈ જશે અને ર૬ મે રવિવારની મધ્યરાત્રિ સુધીમાં તે 'ગંભીર ચક્રવાતી તોફાન'નું સ્વરૂપ લેશે. તે બાંગલાદેશ અને પશ્ચિમ બંગાળના દરિયાકાંઠાના વિસ્તારોમાંથી પસાર થવાની સંભાવના છે.
હવામાન વિભાગે ર૬ અને ર૭ મે ના પશ્ચિમ બંગાળના દરિયાકાંઠાના જિલ્લાઓ અને ઉત્તર ઓડિશાના અનુરૂપ જિલ્લાઓમાં મોટાભાગના સ્થળોએ હળવા વરસાદ સાથે ભારે વરસાદની આગાહી કરી છે. પશ્ચિમ બંગાળના દરિયાકાંઠાના જિલ્લાઓમાં ર૬ મે ના ભારે વરસાદ પડી શકે છે. ર૬ મે ના મિઝોરમ, ત્રિપુરા અને દક્ષિણ મણિપુરમાં મોટાભાગના સ્થળોએ હળવા વરસાદની સંભાવના છે અને કેટલીક જગ્યાએ ભારે વરસાદની સંભાવના છે. આસામ અને મેઘાલય, અરૂણાચલ પ્રદેશ, નાગાલેન્ડ, મિઝોરમ, મણિપુર અને ત્રિપુરામાં ર૭ અને ર૮ મે ના હળવા વરસાદની શક્યતા છે. ર૪ મે ના આંદામાન ટાપુઓમાં મોટાભાગના સ્થળોએ હળવો અથવા ભારે વરસાદ પડી શકે છે.
ઉલ્લેખનિય છે કે, જ્યારે સમુદ્રમાં ગરમ અને ભેજવાળી હવા વધે છે ત્યારે ચક્રવાતી તોફાનો રચાય છે. આ સમુદ્રની સપાટીની નજીકની હવાને ઘટાડે છે, કારણ કે તે વધે છે અને તેનાથી દૂર જાય છે, જ્યારે આ પવનો ઉપર તરફ જાય છે, ત્યારે તેમની નીચે નીચા દબાણનો વિસ્તાર બને છે, જ્યારે આસપાસના પવનોને કારણે નીચા દબાણવાળા વિસ્તારનું દબાણ વધે છે, ત્યાર તે ચક્રવાતનું સ્વરૂપ લેવાનું શરૂ કરે છે. ચક્રવાત થોડા દિવસો કે થોડા અઠવાડિયા સુધી ટકી શકે છે. 'રેમાલ' વાવાઝોડાના ભયાનક સ્વરૂપની આગાહીને લઈને સંબંધિત તંત્રો સાબદા થયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
