નવાનગર નેચર ક્લબ દ્વારા બદ્રી-કેદાર અને વેલી ઓફ ફ્લાવરમાં યોજાશે ફેમિલી ટ્રેકીંગ કેમ્પ

Author: નોબત સમાચાર

નવાનગર નેચર ક્લબ દ્વારા બદ્રી-કેદાર અને વેલી ઓફ ફ્લાવરમાં યોજાશે ફેમિલી ટ્રેકીંગ કેમ્પ

ફિટ ઈન્ડિયા કેમ્પેઈન અંતર્ગત

જામનગર તા. રપઃ પર્યાવરણ સંરક્ષણની પ્રવૃત્તિઓ માટેની જાણીતી સંસ્થા નવાનગર નેચર ક્લબ દ્વારા ફિટ ઈન્ડિયા કેમ્પેઈન અંતર્ગત નહીં નફો, નહીં નુકસાનના ધોરણે તા. ર૩-ઓગસ્ટથી ૪-સપ્ટેમ્બર દરમિયાન વેલી ઓફ ફ્લાવર તેમજ બદ્રીનાથ, કેદારનાથમાં ફેમિલી ટ્રેકિંગ યોજાશે.

ખાસ કરીને બાળકો અને યુવાનો મોબાઈલના કારણે આળસુ બની ગયા છે. જેના કારણે નાની ઉંમરે મેદસ્વીતા વધવા લાગી છે. શહેરોમાં દિવસે-દિવસે વધતા પ્રદૂષણના કારણે અનેક લોકો બીમારીઓનો શિકાર બની રહ્યાં છે. તેથી સામાન્યમાં સામાન્ય લોકો પ્રવાસ કરી શકે તે માટે પૃથ્વી ઉપરનું સ્વર્ગ વેલી ઓફ ફલાવર અને તપસ્વીઓની તપોભૂમિ ઉત્તરાખંડમાં આવેલ બદ્રીનાથ, કેદારનાથમાં ફિટ ઈન્ડિયા કેમ્પિયન અંતર્ગત એક ફેમિલી ટ્રેકીંગ ટૂરનું આયોજન કરવામાં આવ્યું છે. આ કેમ્પમાં શારીરિક રીતે સ્વસ્થ કોઈ પણ ભાઈ/બહેનો જોડાઈ શકે છે. પ્રવાસ લિમિટેડ સંખ્યામાં હોવાથી પ્રવેશ વહેલા તે પહેલાના ધોરણે રહેશે તથા રજીસ્ટ્રેશનની છેલ્લી તા. રપ-જુલાઈ-ર૦ર૪ રાખવામાં આવી છે. રજીસ્ટ્રેશન તેમજ વધુ વિગત માટે સંસ્થા પ્રમુખનો મો. ૯૯રપપ૬૦૧૯૯ નો સંપર્ક કરવાનો રહેશે.

જો આપને આ પોસ્ટ ગમી હોય તો શેર કરો...