તીરંદાજી વર્લ્ડકપમાં કમ્પાઉન્ડ સ્ટેજે ફાઈનલમાં તુર્કીને હરાવીને ભારતે મેળવ્યો ગોલ્ડ મેડલ

Author: નોબત સમાચાર

તીરંદાજી વર્લ્ડકપમાં કમ્પાઉન્ડ સ્ટેજે ફાઈનલમાં તુર્કીને હરાવીને ભારતે મેળવ્યો ગોલ્ડ મેડલ

ભારતે ત્રણ ગોલ્ડ મેડલ મેળવ્યાઃ વધુ બે મેડલની આશા

નવી દિલ્હી તા. રપ : કોરિયામાં ચાલી રહેલા તીરંદાજી વર્લ્ડ કપમાં ભારતનો દબદબો વધ્યો છે. ભારતીય મહિલા ટીમે ગોલ્ડ મેડલ જીત્યો છે અને ફાઈનલમાં તુર્કીને કર્યુ પરાસ્ત કર્યું છે.

દક્ષિણ કોરિયામાં તીરંદાજી વર્લ્ડ કપનું આયોજન કરવામાં આવી રહ્યું છે. આ ટુર્નામેન્ટના કમ્પાઉન્ડ સ્ટેજમાં બે સ્પર્ધાના ફાઈનલમાં તુર્કીને હરાવીને શનિવારે પરનીત કૌર, અદિતિ સ્વામી અને જયોતિ સુરેખા વેન્નમની ભારતીય મહિલા ટીમે સતત ત્રીજી વખત સુવર્ણ પદક જીત્યો છે. ભારતીય ટીમ શરૂઆતથી જ તુર્કીની હેજલ બુરુન, આયસે બેરા સુજર અને બેગમ યુવાના પડકારને ધ્વસ્ત કરી દીધો અને ર૩ર-રર૬ થી ફાઈનલ મેચ પોતાના નામે કરી લીધી.

ભારતના ત્રણેય ખેલાડીઓ વચ્ચે ખૂબ જ રોમાંચક તાલમેલ જોવા મળ્યો હતો અને તેઓ ફાઈનલમાં તુર્કીની ટીમ સામે એક તરફી મેચ રમ્યા હતાં. હાલમાં વિશ્વમાં નંબર ૧ પર પરનીત કૌર, અદિતિ સ્વામી અને જયોતિ સુરેખા વેન્નમે તુર્કીને પરાસ્ત કર્યુ. એક પણ તક ગુમાવ્યા વિના ગોલ્ડ મેડલ જીત્યો. ફાઈનલની શરૂઆત ખૂબ જ રોમાંચક રહી હતી. ભારતીય તીરંદાજે પ્રથમ ત્રણ તીરો પર ત્રણ એકસનો સ્કોર કર્યો, પરંતુ પછીના ત્રણ પ્રયાસોમાં દરેક એક પોઈન્ટ ગુમાવ્યો હતો. જો કે નસીબે ભારતીય ટીમનો સાથ આપ્યો અને તેમણે પહેલા રાઉન્ડમાં માત્ર એક અંકથી જીત મેળવી લીધી.

બીજા રાઉન્ડમાં ભારતીય ટીમનો દબદબો જોવા મળ્યો. તેમણે પાંચ ૧૦ અને ર એકસ લગાવ્યા અને પાંચમી વિરોધી ટીમ પર ચાર અંકોની લીડ બનાવી લીધી. તુર્કીએ અંતિમ પ્રયાસમાં ઘણો ધૈર્ય અને દૃઢતાનું પ્રદર્શન કર્યુ તથા ૪૧૦ શોટ પણ લગાવ્યા. જેમા એક એકસ સામેલ હતો. જેનાથી ભારતના કુલ પ૮ ના કુલ સ્કોલની બરાબરી થઈ ગઈ જો કે અંતમાં ભારતની સારી લીડ તુર્કી માટે ઘણી વધારે સાબિત થઈ, કારણ કે તેઓ અંતર ઘટાડવામાં નિષ્ફળ રહ્યા હતાં.

તીરંદાજી વર્લ્ડ કપમાં ભારતીય ટીમનો આ ત્રીજો ગોલ્ડ મેડલ છે. ભારતમાં હાલ વર્લ્ડ કપમાં બે વધુ મેડલની આશા છે. જયોતિ સુરેખા વેન્નમ અને પ્રિયાંશને કંપાઉન્ડ મિશ્રિત ટીમ ફાઈનલમાં અમેરિકામાં વિરોધીઓ સામે લડશે. જ્યારે પ્રથમેશ કૂગેને કમ્પાઉન્ડ કેટેગરીમાં મેડલ જીતવા માટે વધુ એક જીતની જરૂર છે. આવી સ્થિતિમાં ભારત પાસે વધુ બે ગોલ્ડ મેડલ જીતવાની તક છે.

જો આપને આ પોસ્ટ ગમી હોય તો શેર કરો...