Author: નોબત સમાચાર
વડોદરા હાઈ-વે પર બે ટ્રકો ટકરાઈને પલટી ખાતા ૩ વાહનો દબાયાઃ બે લોકોના મૃત્યુ
ફિલ્મી દૃશ્યો સર્જાયાઃ પોલીસ ઘટના સ્થળે
વડોદરા તા. ૩ઃ વડોદરા હાઈ-વે પર ભયંકર અકસ્માત થયો છે. બે ટ્રક પલટી મારી જતા ૩ વાહનો દબાયા હતાં, જેથી ર ના કમકમાટીભર્યા મોત થયા હોવાનું જાણવા મળે છે.
આજે વહેલી સવારે વાઘોડિયાના જરોદ ગામ પાસે એક વિચિત્ર અકસ્માત સર્જાયો હતો. જે કોઈ ફિલ્મના દૃશ્યથી કમ ન હતો. જેમાં બે સામાન ભરેલી ટ્રકો વચ્ચે ટક્કર સર્જાતા બન્ને ટ્રક પલટી ખાતા ૩ વાહનો દબાઈ ગયા હતાં. જેમાં કારનો ભૂક્કો નીકળી ગયો હતો અને કારચાલક સહિત બે ના મોત નિપજ્યા છે.
અકસ્માતના પગલે હાલ વડોદરા-ટોલમાર્ગ બંધ કરી દેવામાં આવ્યો છે અને ટ્રક નીચે દબાયેલા વ્યક્તિને બહાર કાઢવાની કામગીરી ચાલી રહી છે. વાઘોડિયાથી પ્રાપ્ત માહિતી અનુસાર વડોદરા હાલોલ રોડ પર આવેલા વાઘોડિયાના જરોદ ગામ પાસે એકસાથે પ વાહનો અકસ્માતનો ભોગ બન્યા હતાં, જેમાં ર વ્યક્તિના મોત નિપજ્યા છે. આજે વહેલી સવારે સામાન ભરેલી લોડીંગ બે ટ્રકો વચ્ચે અકસ્માત સર્જાતા બન્ને ટ્રક પલટી ખાઈ જતાં રિક્ષા, ઈકો અને કાર દબાઈ ગયા હતી. ત્રણેય વાહનોનો કચ્ચરઘાણ નીકળી ગયો છે.
અકસ્માતના પગલે ટ્રાફિકજામ થઈ જતા હાલ પૂરતો વડોદરા ટોલમાર્ગ બંધ કરી દેવામાં આવ્યો છે અને ડાઈવર્ઝન આપવામાં આવ્યું છે. ફાયર અને પોલીસની ટીમ ઘટના સ્થળે પહોંચી ગઈ છે. અકસ્માતમાં દબાયેલા લોકોને બહાર કાઢવાની કામગીરી ચાલી રહી છે. હાલમાં પોલીસે બે વ્યક્તિના મોતની પુષ્ટિ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
