Author: નોબત સમાચાર
શેઢાના પ્રશ્ને લતીપરમાં સગા ભાઈ-ભાભી પર પતિ, પત્ની અને પુત્રનો ધોકાથી હુમલો
ઉઘરાણીના મામલે નવાગામ ઘેડમાં ધોકાવાળીઃ
જામનગર તા.૧૪ ઃ જામનગરના નવાગામ ઘેડમાં એક યુવાન ઉઘરાણી કરવા જતાં તેને ધોકો મારી હાથ ભાંગી નાખવામાં આવ્યો હતો. પૈસા માંગીશ તો પતાવીશ દઈશ તેવી ધમકી પણ અપાઈ હતી. જ્યારે ધ્રોલના લતીપરમાં શેઢાના પ્રશ્ને એક બોરીચા યુવાન અને તેના પત્ની પર તેના સગા ભાઈ-ભાભી, ભત્રીજાએ હુમલો કર્યાે હતો.
જામનગરના નવાગામ ઘેડ વિસ્તારમાં આવેલી જાસોલીયા સોસાયટીમાં વસવાટ કરતા આમીર અલારખા સાટી નામના યુવાને મધુરમ સોસાયટીમાં રહેતા ફિરોઝ ઓસમાણ પઠાણ પાસે કેટલીક રકમ લેવાની બાકી હતી. તે રકમની ઉઘરાણી માટે શનિવારે રાત્રે ગયેલા આમીર પર ધોકા વડે ફિરોઝ ઓસમાણ પઠાણે હુમલો કરી હાથ-પગમાં ફટકા માર્યા હતા.
તે ઉપરાંત હવે પૈસા માંગીશ તો પતાવી દઈશ તેવી ફિરોઝે ધમકી આપી હતી. સારવારમાં ખસેડાયેલા આમીરને ફ્રેક્ચર થઈ ગયું હોય તેણે સિટી-બી પોલીસ સ્ટેશનમાં ફરિયાદ નોંધાવી છે.
ધ્રોલ તાલુકાના લતીપરના ગોકુલપરમાં વસવાટ કરતા દિનેશભાઈ બાબુભાઈ સોઢીયા નામના યુવાન પર રવિવારે તેમના સગા ભાઈ લખમણ બાબુભાઈ સોઢીયા, ભાભી ભાવનાબેન અને ભત્રીજા અર્જુને ધોકા વડે હુમલો કરી ફ્રેક્ચર કરી નાખ્યું હતું. વચ્ચે પડનાર દિનેશભાઈના પત્નીને પણ માર મારવામાં આવ્યો હતો. બંને ભાઈઓની જમીન બાજુ બાજુમાં આવેલી હોય અને શેેઢા બાબતે મનદુખ થતાં હુમલો કરાયાનું પોલીસ ફરિયાદમાં જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
