Author: નોબત સમાચાર
પુત્રી સાથે અડપલાં કરનાર પિતાને અદાલતે ફટકારી પાંચ વર્ષની કેદ
તરૂણીને ચૂકવાશે રૂપિયા એક લાખનું વળતરઃ
જામનગર તા.૧૪: વાડીનારમાં રહેતી એક તરૂણી સાથે તેના પિતાએ અણછાજતા અપડલાં કર્યાની એક વર્ષ પહેલા ફરિયાદ કરવામાં આવી હતી. પોક્સો એક્ટ હેઠળ નોંધાયેલા આ ગુન્હામાં અદાલતે આરોપી પિતાને પાંચ વર્ષની કેદની સજા ફટકારી છે. ભોગ બનનાર તરૂણીને ₹ ૧ લાખનું વળતર ચૂકવવામાં આવશે.
દેવભૂમિ દ્વારકા જિલ્લાના મુખ્ય મથક ખંભાળિયા તાબાના વાડીનારમાં વસવાટ કરતા એક પરિવારના મોભી બનાવના થોડા દિવસ પહેલા જ એક ગુન્હામાંથી જેલમાંથી મુક્ત થઈને આવ્યા હતા. તે દરમિયાન આ શખ્સની ઘરમાં એકલી રહેલી પુત્રી બનાવના દિન-તા.૨૦-૧-રરના દિને ઘરમાંથી બૂમો પાડતી બહાર નીકળી હતી.
તેણીની માતા બાજુમાં જ આવેલા દેરાણીને ઘેર બેસવા ગયા હતા. ત્યાંથી બહાર નીકળી આ મહિલાએ શું થયું તેમ પૂછતા આ તરૂણીએ જેલમાંથી છૂટીને આવેલા પોતાના પિતાએ મારો હાથ પકડી મારી સાથે અણછાજતા અડપલા કર્યા તેમ કહેતા તેણીની માતા પોલીસ મથકે ધસી ગઈ હતી. જ્યાં તેણીએ ફરિયાદ નોંધાવતા પોલીસે પોક્સો એક્ટ હેઠળ ગુન્હો નોંધી આરોપી પિતાની ધરપકડ કરી હતી.
ઉપરોક્ત કેસ ખંભાળિયાની પોક્સો કોર્ટમાં ચાલી જતાં અદાલતે સરકાર પક્ષ તરફથી રજૂ થયેલી આઠ સાહેદોની જુબાની અને ભોગ બનનારની જુબાની ધ્યાને લઈ આરોપી પિતાને પાંચ વર્ષની સખત કેદની સજા અને રોકડનો દંડ ફટકાર્યાે છે. ભોગ બનનાર તરૂણીને વીકટીમ કમ્પેન્સેશન યોજનામાંથી ₹ ૧ લાખની રકમ વળતરપેટે ચૂકવવા આદેશ કરાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
